ورىس بالاسى رەسەيدە قازاق راديوسىن اشتى
بۇل باستاماعا يليا گالتسوۆ دەگەن مەكتەپ وقۋشىسى مۇرىندىق بولعان. ونىڭ ايتۋىنشا، قازاق تىلىنە دەگەن قىزىعۋشىلىعى جازعى دەمالىستا قازاقستانداعى اتا- اجەسىنىڭ ۇيىندە جۇرگەندە باستالعان.
«راديو ارقىلى ءبىز قازاق حالقىنىڭ ءتىلىن، مادەنيەتىن، ادەت- عۇرپىن ناسيحاتتايمىز. قازىر گرانت بايقاۋىنا قاتىسىپ جاتىرمىز. كەيىن بۇكىل رەسەيگە جاريالاناتىن اۋە تولقىندى العىمىز كەلەدى. ناتيجەسىندە، رەسەيدىڭ كەز كەلگەن جەرىندە جۇرگەن قازاقتار انا ءتىلىن جاتتاپ، تاريحي وتانى جايىندا بۇكىل جاڭالىقتاردان حاباردار بولادى»، - دەيدى راديو ديرەكتورى يليا گالتسوۆ.
جۋىردا ول راديوعا قازاق ءتىلى كۋرستارىنىڭ اۋديو نۇسقاسىن ەنگىزۋدى جوسپارلاپ وتىر. قازىر ونلاين رەجيمدە جۇمىس ىستەپ تۇرعان راديودا قازاق تىلىندە جاڭالىقتار مەن اندەر جاريالانۋدا. ازىرگە راديونى كۇنىنە 300-گە جۋىق ادام تىڭدايدى ەكەن. بۇگىندە تەك ومبى وبلىسىنىڭ وزىندە 80 مىڭنان استام ەتنيكالىق قازاق تۇرادى.
aikyn.kz