15:52, 13 - ماۋسىم 2019 | GMT +6
قاسىم- جومارت توقايەۆ ش ى ۇ سامميتىنە قاتىسۋ ءۇشىن بىشكەك قالاسىنا باردى
نۇر- سۇلتان. قازاقپارات - قاسىم- جومارت توقايەۆ شاڭحاي ىنتىماقتاستىق ۇيىمىنىڭ سامميتىنە قاتىسۋ ءۇشىن بىشكەك قالاسىنا كەلدى. بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي فەيسبۋكتەگى پاراقشاسىندا حابارلادى.
«قاسىم- جومارت توقايەۆ ش ى ۇ مۇشە مەملەكەتتەر باسشىلارىنىڭ شاعىن جانە كەڭەيتىلگەن قۇرامدا وتەتىن وتىرىستارىنا قاتىسادى. سامميت قورىتىندىسى بويىنشا ءبىرقاتار قۇجاتتارعا قول قويىلادى جانە قابىلدانادى دەپ جوسپارلانۋدا» دەلىنگەن حابارلامادا.
سونىمەن قاتار، حابارلامادا مەملەكەت باسشىسى قاسىم- جومارت توقايەۆتىڭ قىرعىز رەسپۋبليكاسىنىڭ پرەزيدەنتى سوورونباي جەيەنبەكوۆپەن، ق ح ر ءتوراعاسى شي جينپيڭمەن، سونداي- اق، اۋعانستان يسلام رەسپۋبليكاسىنىڭ پرەزيدەنتى مۇحاممەد اشراف عانيمەن ەكىجاقتى كەزدەسۋلەر وتكىزەتىنى ايتالعان.
اۆتور: ەربول جانات