ەلوردالىق بالالار جازعى دەمالىسىن لوندوندا وتكىزەدى

نۇر-سۇلتان. قازاقپارات - ەلوردادا «OPEN MIND» قايىرىمدىلىق جوباسى اياقتالىپ، ونىڭ قورىتىندىسى بويىنشا الەۋمەتتىك از قامتىلعان وتباسىلاردان شىققان ءۇش بالا جازعى كانيكۋلدا لوندونعا بارادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

ءۇش اي بويى ەلوردانىڭ «الماتى» اۋدانىندا از قامتىلعان وتباسىلاردان شىققان 500 بالا قازىرگى زامانعى باعدارلامالار بويىنشا اقىسىز اعىلشىن ءتىلىن تەگىن وقىدى. ارنايى سىناقتان وتكەن جانە سۇحباتتاسۋدان وتكەن ءۇش ۇزدىك انگلياعا دەمالىسقا شىعادى.

بۇدان باسقا، سىناقتاردى ءساتتى تاپسىرىپ، پرەزەنتاتسيا دايىنداعان ءۇش دارىندى مۇعالىم بريتاندىق باسپالاردىڭ بىرىندەگى افينى فيليالىندا بىلىكتىلىگىن ارتتىرۋ كۋرستارىنان وتەدى.

جوبا «رۋحاني جاڭعىرۋ» باعدارلاماسى اياسىندا «مەن الماتىلىقپىن» اتتى قوعامدىق قوزعالىسى، نۇر-سۇلتان قالاسىنىڭ «الماتى» اۋدانى اكىمدىگى مەن «نۇر وتان» پارتياسىنىڭ قولداۋىمەن ءوتتى. جوبانىڭ رەسمي جابىلۋىندا، جوبانىڭ جەڭىمپازدارىنا ۇلى بريتانياعا جولداما بەرىلدى، بارلىق قاتىسۋشىلار سەرتيفيكاتتار مەن العىس حاتتار الدى.