+7 (701) 759 90 19
-23 °С : نۇر-سۇلتان
-9 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

قازاقستاندا سىبايلاس جەمقورلىققا قارسى ءىس- قيمىل اگەنتتىگى قۇرىلدى

13 ماۋسىم 13:03
:ءبولىسۋ
قازاقستاندا سىبايلاس جەمقورلىققا قارسى ءىس- قيمىل اگەنتتىگى قۇرىلدى

نۇر- سۇلتان. قازاقپارات - مەملەكەت باسشىسىنىڭ جارلىعىمەن قازاقستاندا سىبايلاس سىبايلاس جەمقورلىققا قارسى ءىس- قيمىل اگەنتتىگى قۇرىلدى. قازاقپارات اقوردانىڭ باسپا ءسوز قىزمەتىنە سىلتەمە جاساي وتىرىپ پرەزيدەنت جارلىعىنىڭ تولىق ءماتىنىن جاريالايدى.

مەملەكەتتىك باسقارۋ جۇيەسىن جەتىلدىرۋ جونىندەگى شارالار تۋرالى

قازاقستان رەسپۋبليكاسى كونستيتۋتسياسىنىڭ 44-بابىنىڭ 5) تارماقشاسىنا، «قازاقستان رەسپۋبليكاسىنىڭ پرەزيدەنتى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 17-1-بابىنا سايكەس مەملەكەتتىك قىزمەت جۇيەسىن جانە سىبايلاس جەمقورلىققا قارسى ءىس- قيمىلدى ودان ءارى جەتىلدىرۋ ماقساتىندا قاۋلى ەتەمىن:

1. قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى بولىپ قايتا اتالسىن. قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى مەملەكەتتىك قىزمەت جانە مەملەكەتتىك كورسەتىلەتىن قىزمەتتەردىڭ ساپاسىنىڭ ساقتالۋىن باقىلاۋ سالاسىنداعى ۋاكىلەتتى مەملەكەتتىك ورگان بولىپ تابىلادى دەپ بەلگىلەنسىن.

2. قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ سىبايلاس جەمقورلىققا قارسى ءىس- قيمىل ۇلتتىق بيۋروسى (سىبايلاس جەمقورلىققا قارسى قىزمەت) قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگان رەتىندە قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگى (سىبايلاس جەمقورلىققا قارسى قىزمەت) بولىپ قايتا قۇرىلسىن. سىبايلاس جەمقورلىققا قارسى ءىس- قيمىل اگەنتتىگى (سىبايلاس جەمقورلىققا قارسى قىزمەت) سىبايلاس جەمقورلىق قىلمىستىق قۇقىق بۇزۋشىلىقتارىن انىقتاۋدى، جولىن كەسۋدى، اشۋدى جانە تەرگەۋدى جۇزەگە اسىراتىن قۇقىق قورعاۋ ورگانى بولىپ تابىلادى دەپ بەلگىلەنسىن.

3. «قازاقستان رەسپۋبليكاسى پرەزيدەنتىنىڭ اكىمشىلىگى تۋرالى ەرەجەنى بەكىتۋ تۋرالى» قازاقستان رەسپۋبليكاسى پرەزيدەنتىنىڭ 2008 -جىلعى 11 - ناۋرىزداعى № 552 جارلىعىنا (قازاقستان رەسپۋبليكاسىنىڭ ءپۇاج- ى، 2008 ج. , № 12-13, 116-قۇجات) مىناداي وزگەرىس پەن تولىقتىرۋ ەنگىزىلسىن:

جوعارىدا اتالعان جارلىقپەن بەكىتىلگەن قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ تىزبەسىندە:

«قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى» دەگەن جول مىناداي رەداكتسيادا جازىلسىن: «قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى» ؛

مىناداي مازمۇنداعى جولمەن تولىقتىرىلسىن: «قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگى (سىبايلاس جەمقورلىققا قارسى قىزمەت) » .

4. قازاقستان رەسپۋبليكاسى پرەزيدەنتىنىڭ اكىمشىلىگى قازاقستان رەسپۋبليكاسى قاۋىپسىزدىك كەڭەسىنىڭ اپپاراتىمەن بىرلەسىپ ءبىر اي مەرزىمدە:

1) قازاقستان رەسپۋبليكاسى پرەزيدەنتىنىڭ قاراۋىنا قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ جانە قازاقستان رەسپۋبليكاسىنىڭ سىبايلاس جەمقورلىققا قارسى ءىس- قيمىل اگەنتتىگىنىڭ (سىبايلاس جەمقورلىققا قارسى قىزمەت) توراعالارىمەن بىرلەسىپ: اگەنتتىكتەر تۋرالى ەرەجەلەردىڭ جوبالارىن؛

قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ شتات سانىن قايتا ءبولۋ جونىندە ۇسىنىستار ەنگىزسىن.

2) وسى جارلىقتى ىسكە اسىرۋ جونىندە وزگە دە شارالاردى قابىلداسىن.

5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق. توقايەۆ

نۇر- سۇلتان، اقوردا، 2019 -جىلعى 13 - ماۋسىم


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات