قازاقستاندىق تۋريستەر قاي ەلدەرگە ءجيى ساياحاتتايدى

نۇر- سۇلتان. قازاقپارات - جىل وتكەن سايىن سىرت ەلگە ساياحاتتاپ باراتىن قازاقستاندىقتاردىڭ سانى ارتىپ كەلەدى. قازاقپارات ق ر سىرتقى ىستەر مينيسترلىگىنە سىلتەمە جاساي وتىرىپ، وتانداستارىمىز ءجيى ساپارلايتىن 9 ەلدىڭ ءتىزىمىن ۇسىنادى.

باۋىرلاس تۇركيا مەملەكەتىن قازاقستاندىق تۋريستەر ەڭ قولايلى ءارى ءتيىمدى مەملەكەت دەپ ساناسا كەرەك. الدىڭعى ۇشتىكتە تۇركيادان كەيىن قىتاي مەن بىرىككەن اراب امىرلىكتەرى تۇر.

گەرمانيا، تايلاند جانە مىسىر ەلدەرى 4,5,6- ورىندارعا جايعاسسا، ءتىزىمنىڭ سوڭىن رەسەي، قىرعىزستان جانە چەحيا تۇيىندەگەن.

بۇعان دەيىن ق ر سىرتقى ىستەر مينيسترلىگى شەتەلگە شىعۋدى جوسپارلاپ جۇرگەن ازاماتتارعا مىنەز- قۇلىق نورمالارى مەن كەدەندىك باقىلاۋدان ءوتۋ ەرەجەلەرىن ۇسىنعان بولاتىن.