+7 (701) 759 90 19
-3 °С : نۇر-سۇلتان
0 °С : الماتى
USD 389.75 EUR 434.26
RUB 6.12 CNY 55.05
جاڭالىقتار

قازاقستان ازاماتتارى قاي ەلدەرگە ۆيزاسىز بارا الادى

12 ماۋسىم 13:49
:ءبولىسۋ
قازاقستان ازاماتتارى قاي ەلدەرگە ۆيزاسىز بارا الادى

استانا. قازاقپارات - قازاقستان ءوز ازاماتتارىنا الەمنىڭ 24 ەلىنە ۆيزاسىز قىدىرۋ مۇمكىندىگىن ۇسىنىپ وتىر. قازاقپارات ق ر سىرتقى ىستەر مينيسترلىگىنىڭ مالىمەتىنە سىلتەمە جاساي وتىرىپ، اتالمىش ەلدەردىڭ ءتىزىمىن وقىرمان نازارىنا ۇسىنادى.

سىرتقى ىستەر مينيسترلىگىنىڭ مالىمەتى بويىنشا، قازىرگى تاڭدا 19 مەملەكەتپەن ۇلتتىق پاسپورت يەلەرىن ۆيزالىق تالاپتاردان بوساتۋ تۋرالى ەكىجاقتى كەلىسىمدەرگە قول قويىلعان. ولار: ارگەنتينا، ارمەنيا، ازەربايجان، بەلارۋس، بىرىككەن اراب امىرلىكتەرى، برازيليا، گونكونگ ءا ا ا، گرۋزيا، قىرعىزستان، مولدوۆا، موڭعوليا، وڭتۇستىك كورەيا، وزبەكستان، رەسەي، سەربيا، تاجىكستان، تۇركيا، ۋكراينا جانە ەكۆادور.

سونداي- اق، قازاقستاندىق ازاماتتار ءۇشىن ءبىرجاقتى ءتارتىپ نەگىزىندە 5 مەملەكەتپەن ۆيزاسىز رەجىم ەنگىزىلگەن.

مينيسترلىكتىڭ رەسمي وكىلى ايبەك سمادياروۆتىڭ ايتۋىنشا، العاشقى تىزىمدەگى ەلدەردىڭ ازاماتتارى دا قازاقستان اۋماعىنا تۋريست رەتىندە ۆيزاسىز كىرە الادى.

«ال يندونەزيا، كولۋمبيا، كوستا- ريكا، مالايزيا جانە فيليپپين ەلدەرىندە ءبىزدىڭ ەلدىڭ ازاماتتارى ۆيزاسىز قىدىرا العانىمەن، اتالمىش ەلدەردىڭ تۇرعىندارى بىزگە ۆيزا ارقىلى عانا كىرەدى» ، - دەيدى س ءى م وكىلى.

رەسمي ورگاننىڭ حابارلاۋىنشا، مينيسترلىكتىڭ تۋريستىك ساپارمەن شىعۋعا تىيىم سالىنعان نەمەسە قاۋىپ بار شەت ەلدەردىڭ ارنايى ءتىزىمى جوق.

«شەت مەملەكەتتە ىشكى ساياسي جاعداي شيەلەنىسىپ جاتسا نەمەسە تابيعي جانە تەحنوگەندىك سيپاتتاعى توتەنشە جاعدايلار بولعان كەزدە قازاقستاندىق ازاماتتارعا مينيسترلىك اتالعان مەملەكەتتەرگە شىعۋدان باس تارتۋ تۋرالى ۇسىنىمداردى دەر كەزىندە جاريالاپ وتىرادى» ، - دەلىنگەن رەسمي اقپاراتتا.

سىرتقى ىستەر مينيسترلىگى ق ر ازاماتتارىنا شەت ەلدەرگە شىعار الدىندا باراتىن ەل مەن ونىڭ ساياسي جاعدايى تۋرالى قوسىمشا ءبىلىپ الۋعا كەڭەس بەرەدى.


باستى سوزدەر: سئرتقئ ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات