قازاقستانعا قانشا تۋريست كەلدى

 نۇر- سۇلتان. قازاقپارات - جىل باسىنان بەرى  7310 شەتەلدىك قازاقستانعا تۋريست ۆيزاسىن راسىمدەگەن. بۇل تۋرالى قازاقپارات ق ر سىرتقى ىستەر مينيسترلىگىنە سىلتەمە جاساي وتىرىپ حابارلايدى.

زاڭعا سايكەس، ونداي ۆيزالاردى قازاقستاننىڭ شەت ەلدەردەگى رەسمي مەكەمەلەرى بەرەدى. قازىرگى ۋاقىتتا الەمنىڭ 67 ەلىندە 90 كونسۋلدىق ىستەپ تۇر.

«قازاقستاننىڭ كونسۋلدىق مەكەمەلەرى جوق ەلدەردىڭ ازاماتتارىنا ۆيزالار نۇر- سۇلتان جانە الماتى قالالارىنداعى حالىقارالىق اۋەجايلاردا بەرىلەدى. 2019 -جىلدىڭ باسىنان بەرى  4656 شەتەل ازاماتى قازاقستانعا تۋريستىك ۆيزا رەسىمدەدى» ، - دەلىنگەن س ءى م مالىمەتىندە.

سىرتقى ىستەر مينيسترلىگىنىڭ مالىمەتىنە سەنسەك، 2019 -جىلعى 1 - قاڭتاردان باستاپ شەتەلدىك تۋريستەرگە ۆيزانى ەلەكتروندىق تاسىلمەن راسىمدەۋگە دە مۇمكىن بەرىلگەن. بۇل مۇمكىندىكتى ازىرگە  2654 شەتەلدىك پايدالانىپ، ەلەكتروندىق فورماتتا تۋريستىك ۆيزا راسىمدەگەن.