ەلباسىنىڭ جۇرگىزگەن ساياساتىن توقايەۆ ودان ءارى جالعاستىرادى - تاكەو كاۆامۋرا

 نۇر- سۇلتان. قازاقپارات - تۇڭعىش پرەزيدەنت نۇرسۇلتان نازاربايەۆتىڭ جۇرگىزىپ كەلگەن ساياساتىن قاسىم- جومارت توقايەۆ ودان ءارى جالعاستىرادى.

جاپونيا پارلامەنتىنىڭ قازاقستانمەن دوستىق ليگاسىنىڭ ءتوراعاسى، جاپونيانىڭ پارلامەن وكىلدەرى پالاتاسىنىڭ دەپۋتاتى تاكەو كاۆامۋرا وسىلاي پىكىر ءبىلدىردى، دەپ حابارلايدى قازاقپارات.

«پرەزيدەنت قاسىم- جومارت توقايەۆ حالىقتىڭ %70 استام داۋىسىن جيناپ، جەڭىسكە جەتكەندىگىنە قاتىستى جاڭالىقتى ەستۋىمە وراي شىن جۇرەكتەن قۋانىشىمدى بىلدىرەمىن.

نۇرسۇلتان نازاربايەۆ ءوز ەركىمەن وكىلەتتىگىن توقتاتقاننان سوڭ، كونستيتۋتسياعا سايكەس پرەزيدەنت لاۋازىمىنا كەلگەن قاسىم- جومارت توقايەۆتىڭ كانديداتۋراسىن پرەزيدەنتتىك سايلاۋدا ۇسىندى.

اقپارات كوزدەرىنە سايكەس، داۋىس كورسەتكىشىنىڭ %70 دان اسۋى، تۇڭعىش پرەزيدەنت ن. نازاربايەۆتىڭ جۇرگىزىپ كەلگەن ساياساتىنىڭ جوعارى باعالانۋىمەن بايلانىستى» ، دەدى تاكەو كاۆامۋرا.

ول توقايەۆتىڭ وسى ساياسي باعىتتى ودان ءارى جالعاستىرامىن دەگەن ماقساتتا بولعانىن جەتكىزدى.

«قاسىم- جومارت توقايەۆ ءوز كەزەگىندە وسى ساياسي باعىتتى ودان ءارى جالعاستىرامىن دەگەن ماقساتپەن سايلاۋدا كۇرەستى دەپ ەستىدىم. سول سەبەپتى، جالپى ن. نازاربايەۆتىڭ وسى ۋاقىتقا دەيىن جۇرگىزىپ كەلگەن جەتىستىكتەرىنىڭ xالىق اراسىندا باعالانىپ وتىرعاندىعىنا وتە قۋانىشتى ەكەندىگىمدى ايتقىم كەلەدى» ، دەدى ول.

ەسكە سالا كەتسەك، 12 - ماۋسىمدا ەلورداداعى تاۋەلسىزدىك سارايىندا جاڭادان سايلانعان قازاقستان پرەزيدەنتى قاسىم- جومارت توقايەۆتى ۇلىقتاۋ ءراسىمى ءوتتى. مەملەكەت باسشىسى قازاقستان حالقىنا انت بەردى.