10:44, 13 - ماۋسىم 2019 | GMT +6
كانادا عالىمدارى دونورلىق قان ويلاپ تاپتى
نۇر- سۇلتان. قازاقپارات - كانادانىڭ بريتان كولۋمبياسى ۋنيۆەرسيتەتىنىڭ عالىمدارى دونورلىق امبەباپ قاندى ويلاپ تاپتى. بۇل تۋرالى Science جۋرنالىندا جاريالاندى.
قان توپتارىنىڭ ءارقايسىسى قىزىل قان جاسۋشالارىنىڭ قابىعىنداعى قانت مولەكۋلالارىنىڭ بەلگىلى مولشەرىنە قاراي ەرەكشەلەنەتىنى بەلگىلى. ال ءبىرىنشى توپتاعى قاندى جۇرتتىڭ بارىنە قۇيۋعا بولادى.
عالىمدار ەكىنشى قان توبىن امبەباپ قانعا اينالدىرۋ ءۇشىن ونىڭ انتيدەنەلەرىن الىپ تاستاۋى قاجەت بولدى. ءتورت جىلعا سوزىلعان سىناقتاردىڭ ناتيجەسىندە ماماندار ادام ىشەگىنەن ەكىنشى قان توبىن امبەباپ قان توبىنا اينالدىراتىن ەكى فەرمەنت شىعاراتىن ميكرواعزالاردى تاپتى. ميكرواعزالار ەكىنشى قان توبىنان «ارتىقشا» قانت مولەكۋلالارىن الىپ تاستايدى.