جەڭىلمەگەن قازاق بوكسشىسىنىڭ كەلەسى جەكپە- جەگى وتەتىن كۇن بەلگىلى بولدى

نۇر- سۇلتان. قازاقپارات - ەش جەڭىلىپ كورمەگەن قازاق كاسىپقوي بوكسشىسى مۇسا تۇرسىنعاليەۆتىڭ (9-0, 6 ك و) كەلەسى جەكپە- جەگى وتەتىن كۇن بەلگىلى بولدى، دەپ حابارلايدى قازاقپارات Sports.kz كە سىلتەمە جاساپ.

BoxRec.com باسىلىمىنىڭ حابارلاۋىنشا، تۇرسىنعالييەۆتىڭ كەلەسى ايقاسى 12 - شىلدە كۇنى گولليۆۋدتاعى (فلوريدا شتاتى، ا ق ش) Seminole Hard Rock Hotel and Casino ارەناسىندا بولادى. قارسىلاسى ازىرگە بەلگىسىز. جارتىلاي جەڭىل سالماق ساناتىندا وتەتىن كەزدەسۋ 8 راۋندقا شاقتالعان.

بوكس كەشىندە تاعى ءبىر قازاق بوكسشىسى يۆان دىچكو (8-0, 8 ك و) رينگكە كوتەرىلەدى، ونىڭ قارسىلاسى برازيليالىق رافاەل زۋمبانو (39-16-1, 31 ك و) بولماق.

ەسكە سالا كەتەيىك، مۇسا سوڭعى جەكپە- جەگىن دە ءدال وسى ارەنادا وتكىزگەن بولاتىن. 1 ناۋرىز كۇنى ول امەريكالىق ۆينسەنت دجەننينگستى (6-7-2, 4 ك و) ۇپاي سانىمەن جەڭگەن.