اباي جازعان قارامولا جارعىسىنىڭ ءتۇپنۇسقاسى تابىلدى
«بۇل - 1885 -جىلى اباي قۇنانباي ۇلى توبە بي بولعان قارامولا سەزىندە قابىلدانعان جارعىنىڭ 1886 -جىلى قازان قالاسىنان شىققان باسىلىمى. «قارامولا جارعىسى» ⅩⅨعاسىرداعى ادام قۇقىقتارىنىڭ ساقتالۋى مەن بوستاندىعى حاقىندا ابايدىڭ ءوزى قۇراستىرىپ شىعارعان، حالىق اراسىنا كەڭ تارالعان ەرەجەلەردىڭ ءبىرى. بۇل قۇجاتتىڭ قابىلدانۋى مەن ەل اراسىنا تارالۋى تۋرالى دەرەكتەر مەن ەستەلىكتەر وتە كوپ. قازىرگى گرافيكاعا اۋدارىلعان نۇسقاسى ءبىراز ۋاقىتتان بەرى بەلگىلى بولسا دا، باسىلىمنىڭ ءتۇپنۇسقاسى نەمەسە كوشىرمەسى بەيمالىم بولاتىن» ، - دەلىنگەن قورىق- مۋزەيدىڭ حابارلاماسىندا.
بۇل باسىلىمدى 1959 -جىلى ق ر عىلىم اكادەمياسىنىڭ قىزمەتكەرى، عالىم قارتا قاڭتارباي ۇلى قازان قالاسىنان تاۋىپ، اۋدارماسىن عانا جاساپ العان. وسى اۋدارمانىڭ ماشينكادا تەرىلگەن نۇسقاسى مۋزەي قورىندا ساقتاۋلى.
«اباي مۋزەيىندە تالاي جىل قىزمەت اتقارعان مۇزدىباي بەيسەنباي ۇلى 1984 -جىلى قازان قالاسىنا بارىپ قايتقان ساپارىندا اتالعان جارعىنى كورگەنىن جازعان. الايدا ەلىمىزدەگى كىتاپحانالار مەن مۋزەي قورلارىندا وسى كۇنگە دەيىن قازان قالاسىندا باسىلعان قارامولا جارعىسىنىڭ بىردە- ءبىر كوشىرمەسى بولماعان. حاكىم ابايدىڭ باستاماسىمەن قابىلدانعان «قارامولا جارعىسى» قادىم جازۋىمەن قازان قالاسىنداعى يمپەراتورلىق ۋنيۆەرسيتەتتىڭ باسپاحاناسىنان 1886 -جىلى سەمەي وبلىستىق اسكەري گۋبەرناتورىنىڭ وكىمى بويىنشا جارىق كورگەن» ، - دەلىنگەن حابارلامادا.
تابىلعان قۇندى قۇجات وسى ۋاقىتقا دەيىن بەلگىلى اۋدارمالاردى تۇپنۇسقامەن سالىستىرۋعا جانە جان- جاقتى زەرتتەۋگە مۇمكىندىك بەرەدى.
ەسكە سالا كەتسەك، وتكەن ايدا ق ر پرەزيدەنتى قاسىم- جومارت توقايەۆ ابايدىڭ 175 -جىلدىق مەرەيتويىن اتاپ ءوتۋ تۋرالى جارلىققا قول قويعان بولاتىن.