ەرمەك تۇرسىنوۆتىڭ «شىراقشى» فيلمى شاڭحايداعى كينوفەستيۆالگە قاتىسادى

 الماتى. قازاقپارات - رەجيسسەر ەرمەك تۇرسىنوۆتىڭ «شىراقشى» (حرانيتەل) كوركەم فيلمى شاڭحاي حالىقارالىق كينوفەستيۆالىنە قاتىسادى، دەپ حابارلايدى قازاقپارات «قازاقفيلمگە» سىلتەمە جاساپ.

 كينوستۋديانىڭ مالىمەتىنشە، XXII شاڭحاي حالىقارالىق كينوفەستيۆالى 15-24 - ماۋسىم ارالىعىندا وتەدى، «شىراقشى» فيلمى نەگىزگى كونكۋرستىق باعدارلاماعا قاتىسادى.

وسى فەستيۆالدىڭ نەگىزگى كونكۋرسىندا قازاقستاندىق فيلم العاش رەت كورسەتىلەدى. 2013 -جىلى «پانوراما» كونكۋرستان تىس باعدارلاماسىندا دارەجان ومىربايەۆتىڭ «ستۋدەنتى» ، ەرمەك امانشايەۆتىڭ «پاراللەل الەمى» كورسەتىلگەن.

حالىقارالىق قازىلار القاسىن اتاقتى تۇرىك كينورەجيسسەرى، كانن كينوفەستيۆالىنىڭ «التىن پالما» تارماعىنىڭ لاۋرەاتى نۇري بىلگە جەيلان باسقارادى.

فيلمدى ق ر مادەنيەت جانە سپورت مينيسترلىگىنىڭ تاپسىرىسى بويىنشا «كازاقفيلم» مەن «تۇرسىنوۆ فيلم» كومپانياسىنىڭ بىرلەسىپ تۇسىرگەن. تەلەتۋىندى فيلم سوعىستان ورالعان ساربازدىڭ تاريحىن باياندايدى.

ايتا كەتەرلىگى، شاڭحاي فەستيۆالى - قىتايدىڭ ەڭ ءىرى كينوفەستيۆالى. ءبىرىنشى شاڭحاي كينوفەستيۆالى 1993 -جىلدىڭ قازان ايىندا ءوتتى. 33 ەلدەن 167 فيلم كورسەتىلدى، وعان 300 مىڭ ادام كورەرمەندەر قاتىستى، قازىلار القاسى اراسىندا كارەن شاحنازاروۆ جانە وليۆەر ستوۋن بولدى. سودان بەرى ول ءاربىر ەكى جىل سايىن، ءتىپتى 2001 -جىلدان كەيىن، كينوفەستيۆالدى جىل سايىن وتكىزۋ شەشىلدى.