تالعات قاليەۆ: ۇلتتىق كەڭەستە جاڭا ساپالى جوبالار ازىرلەنەتىن بولادى
ساياسات تانۋشى، «جاستار» عىلىمي-زەرتتەۋ ورتالىعىنىڭ ديرەكتورى تالعات قاليەۆ وسىنداي پىكىردە، دەپ حابارلايدى قازاقپارات ءتىلشىسى.
«ۇلتتىق قوعامدىق سەنىم كەڭەسى - پرەزيدەنتتىڭ مەيلىنشە قىزىقتى باستاماسى. ويتكەنى، قالىڭ بۇقاراعا تاراعان الەۋمەتتىك نارازىلىق بيلىك پەن قوعام اراسىنداعى الەۋمەتتىك كەلىسىم نورمالارىن جاڭعىرتۋ قاجەتتىگىن كورسەتتى. بۇل نورمالاردى قوعامنىڭ بۇكىل قاجەتتىلىكتەرىن ەسكەرە وتىرىپ جاساپ شىعۋ قاجەت، بۇل كۇن تارتىبىندەگى جاڭا وزەكتى ماسەلە. جالپى، بۇل پروبلەما تەك قازاقستاندا عانا بايقالىپ وتىرعان جوق. بۇگىنگى تاڭدا مەملەكەت پەن قوعام اراسىنداعى ءوزارا قاتىناستاردىڭ فورماتىن قايتا قاراۋ ماسەلەسى الەمنىڭ كوپتەگەن ەلدەرىندە وزەكتى بولىپ وتىر. سوندىقتان بۇل ماسەلە بۇگىندە وزەكتى ءارى اسا قاجەت. ونىڭ ۇستىنە، كەڭەس قۇرامىنا جاستار، تانىمال قوعام قايراتكەرلەرى، ويشىل قاۋىم وكىلدەرى كىرەتىنى ايتىلدى»، - دەيدى ت. قاليەۆ.
ونىڭ ايتۋىنشا، كەڭەستە وتە قىزىقتى ءارى وتكىر پىكىرتالاستار بولادى، ولار بارلىق الەۋمەتتىك توپتاردى قاناعاتتاندىراتىن ارقىلى جاڭا ساپالى جوبالار ازىرلەنەدى.