ۇلتتىق قوعامدىق سەنىم كەڭەسى قوعامدى دەموكراتيالاندىرۋعا سەپتىگىن تيگىزەدى - دەپۋتات
ق ر پرەزيدەنتى جانىنان ۇلتتىق قوعامدىق سەنىم كەڭەسىن قۇرۋ تۋرالى جارلىقتىڭ شىعۋىنا وراي وسىنداي پىكىردى ق ر پارلامەنتى ءماجىلىسىنىڭ دەپۋتاتى نادەجدا پەتۋحوۆا ءبىلدىردى، دەپ حابارلايدى قازاقپارات.
«سايلاۋالدى كامپانيا بارىسىندا سايلاۋشىلارمەن كەزدەسكەن كەزدە ساياسي جۇيەدە وزگەرىستەر بولىپ جاتقانى تۋرالى ايتقان ەدىم. ءبىزدىڭ كانديدات مىقتى پرەزيدەنت، ىقپالدى پارلامەنت جانە ەسەپ بەرۋگە مىندەتتى ۇكىمەت بولۋى تيىستىگىن ءمالىم ەتتى. ول سونداي-اق پىكىرلەردى جانە مەملەكەتتەگى پروبلەمالاردى زەردەلەۋ ءۇشىن ۇلتتىق قوعامدىق سەنىم كەڭەسىن قۇرۋ تۋرالى ايتتى. سول سەبەپتى، مەنىڭ ويىمشا، بۇل، ىشكى ساياسي احۋالدىڭ جاقسارۋىنا، قوعامنىڭ دەموكراتيالانۋىنا جانە ۇشىنشىدەن، ساباقتاستىقتى، ادىلەتتىلىك پەن پروگرەستى ىسكە اسىرۋعا سەپتىگىن تيگىزەتىن بولادى»، - دەدى ن. پەتۋحوۆا.
ونىڭ سوزىنشە، ازاماتتىق قوعامنىڭ جاڭا ينستيتۋتى مەملەكەت جەتەكشىلەرىنە جاقىن بولادى. جانە كوپتەگەن الەۋمەتتىك تۇيتكىلدەر جىلدام ءارى ءتيىمدى شەشىلەدى.