ستۋدەنتتەر مەتالل قالدىقتارىنان جىلقى مەن كيىز ءۇيدىڭ ماكەتىن جاسادى
بايقاۋ ءبىلىم بەرۋ باسقارماسى «رۋحاني جاڭعىرۋ» باعدارلاماسى، «ۇلى دالانىڭ جەتى قىرى» ماقالاسىن ىسكە اسىرۋ شەڭبەرىندە ۇيىمداستىرعان سايىسقا وبلىسىمىزداعى 10 تەحنيكالىق جانە كاسىپتىك ءبىلىم بەرۋ ۇيىمىنىڭ شاكىرتتەرى قاتىسىپ، 16 جۇمىس ۇسىندى.
- ينستاللياتسيا بايقاۋىنا وبلىستىڭ «دانەكەرلەۋ تەحنولوگيالارى» قۇزىرەتتىلىگى بويىنشا تەحنيكالىق جانە كاسىپتىك ءبىلىم بەرۋ ۇيىمدارىنىڭ ستۋدەنتتەرى «ۇلى دالانىڭ جەتى قىرى» باعدارلاماسىنىڭ ءبىر باعىتى بويىنشا جەكە نەمەسە ۇجىم دايىنداعان جۇمىستارىن اكەلدى.
اتاپ ايتساق، اتقا ءمىنۋ مادەنيەتى، ۇلى دالاداعى ەجەلگى مەتاللۋرگيا، اڭ ستيلى، التىن ادام، تۇركى الەمىنىڭ بەسىگى، ۇلى جىبەك جولى، قازاقستان - الما مەن قىزعالداقتىڭ وتانى اتتى ينستاللياتسيالاردى جاساۋدا ءوز كۇشتەرىن سىناپ كوردى، - دەدى وبلىستىق ءبىلىم بەرۋ باسقارماسى تەحنيكالىق جانە كاسىپتىك ءبىلىم بەرۋ ءبولىمىنىڭ ادىسكەرى ميرا شىڭعىسوۆا.
ساراپتامالىق كەڭەس بايقاۋعا قاتىسۋشىلاردىڭ ۇسىنعان جۇمىستارىنىڭ مازمۇنى مەن اتقارۋشىلىق شەبەرلىگىن، ويدىڭ بىرەگەيلىگى مەن كرەاتيۆتىلىگىن باعالاپ، «ۇرپاقتار ساباقتاستىعى» جانە «كرەاتيۆتى جوبا» نوميناتسياسى بويىنشا جەڭىمپازداردى انىقتادى.
«ۇرپاقتار ساباقتاستىعى» نوميناتسياسىندا پاۆلودار تەحنيكالىق سەرۆيس كوللەدجىنىڭ ستۋدەنتى الەكساندر ترۋنوۆ جەڭىمپاز اتاندى. ول مەتالل قالدىقتارىنان جىلقى مەن ءيتتىڭ ءمۇسىنىن جاساعان. جىلقىنىڭ بيىكتىگى 1 مەتردى قۇرايدى.
ال، «كرەاتيۆتى جوبا» نوميناتسياسىندا مەتالل قالدىقتارىنان بيىكتىگى 60 سانتيمەترگە جۋىقتايتىن كيىز ءۇي جاساعان مونتاجداۋ كوللەدجىنىڭ ستۋدەنتى يۋري تۋتايەۆ جەڭىسكە جەتتى.
جۇلدەگەرلەر مەن جەڭىمپاز اتانعان 6 جاس قولونەرشىگە ديپلومدار مەن باعالى سىيلىقتار تابىس ەتىلدى.