+7 (701) 759 90 19
-23 °С : نۇر-سۇلتان
-9 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

پوليتسەيلەرگە سۋدان قۇتقاراتىن جابدىقتار تاراتىلۋدا

13 ماۋسىم 07:30
:ءبولىسۋ
پوليتسەيلەرگە سۋدان قۇتقاراتىن جابدىقتار تاراتىلۋدا

پەتروپاۆل. قازاقپارات - سولتۇستىك قازاقستان وبلىسىندا پاترۋلدىك پوليتسەيلەرگە تەمىر كەسەتىن قايشى، سۋدان قۇتقاراتىن دوڭگەلەك، ارقان جانە تاعى باسقا جاڭا جابدىقتار بەرىلدى، دەپ حابارلايدى قازاقپارات ءتىلشىسى.

ق ر ىشكى ىستەر ءمينيسترى ەرلان تۇرعىمبايەۆتىڭ نۇسقاۋىنا سايكەس سۋ قويمالارى ماڭىندا كەزەكشىلىك اتقاراتىن پوليتسيانىڭ ماشينا ەكيپاجدارى بۇدان بىلاي سۋدا قۇتقارۋ كەرەك-جاراقتارىمەن جابدىقتالاتىن بولادى.

س ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، ءوڭىردىڭ پاترۋلدىك پوليتسەيلەرىنە جاڭا جابدىقتار تابىس ەتىلدى. ەندى جەكەلەگەن پاترۋلدىك ماشينالاردا بەيىندى قۇرال-سايمانداردان: اپاتتىق بەلگى، ورتكە قارسى كەنەپ ماتا، الكوتەستەر، تەمىر كەسەتىن قايشى، سونداي- اق سۋدان قۇتقاراتىن دوڭگەلەك، ەكى كوكىرەكشە، ارقان بولادى.

«باتالوننىڭ، باسقا دا بولىنىستەردىڭ قىزمەتكەرلەرى كەز كەلگەن جاعدايدا ادامدارعا كومەككە كەلۋگە ءازىر ەكەندىكتەرىن بىرنەشە مارتە دالەلدەدى. مۇز استىنا كەتكەن ادامداردى ەكى رەت الىپ شىققان پوليتسيا ستارشيناسى رۋسلان ءقىدىرميننىڭ ەرلىك ءىسى كوپشىلىكتىڭ ەسىندە. ال، 2016 -جىلعى جازدىڭ باسىندا سۋىق سۋعا قۇلاعان ستۋدەنتتى - تۇندە، قامىس اراسىنان پاترۋلدىك پوليتسيانىڭ ءتورت قىزمەتكەرى ىزدەگەنى ەسىمىزدە. سول سەبەپتى، بۇل جابدىقتار ءبىزدىڭ قىزمەتكەرلەرگە قاجەت»، - دەدى سقو پد جەرگىلىكتى پوليتسيا قىزمەتى باسقارماسىنىڭ پپب كومانديرى ەرلان ماديەۆ.

بۇل جاڭاشىلدىق وزەن-كولدەرى كوپ س ق و ءۇشىن، اسىرەسە شومىلۋ ماۋسىمىندا وزەكتى. پوليتسەيلەر قۇتقارۋشىلارمەن بىرگە جاعاجايلاردا بىرلەسكەن رەيدتەردى جۇرگىزەدى، سونداي-اق بەلگىلەنبەگەن ورىنداردا سۋعا تۇسەتىندەرمەن ءتۇسىندىرۋ جۇمىستارىن وتكىزەدى. جاڭا جيىنتىقتاردى ازىرگە تەك جولداردى پاترۋلدەيتىن وبلىستىق باتالوننىڭ قىزمەتكەرلەرى عانا الدى.

س ق و پ د باستىعى مارات تولەبايەۆتىڭ تاپسىرماسى بويىنشا جاڭا قۇرال-جابدىقتارمەن الداعى ۋاقىتتا سۋ ماڭىندا كەزەكشىلىك اتقاراتىن قالالىق ءبولىنىستىڭ ماشينالارى دا جابدىقتالادى.


null


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات