+7 (701) 759 90 19
-23 °С : نۇر-سۇلتان
-9 °С : الماتى
USD 383.95 EUR 429.26
RUB 6.16 CNY 55.02
جاڭالىقتار

ەلوردادا سوتقا دەيىنگى تاتۋلاسۋ ورتالىعى اشىلدى

13 ماۋسىم 07:16
:ءبولىسۋ
ەلوردادا سوتقا دەيىنگى تاتۋلاسۋ ورتالىعى اشىلدى

نۇر-سۇلتان. قازاقپارات - ەلوردادا تاتۋلاسۋ ورتالىعى اشىلدى، دەپ حابارلايدى قازاقپارات قالالىق سوتتىڭ باسپا ءسوز قىزمەتىنە سىلتەمە جاساپ.

ورتالىق جۇمىسىن قالالىق سوت پەن قالا اكىمدىگى ىسكە قوسىپ وتىر. ول داۋلاردى سوتقا دەيىن رەتتەۋ ينستيتۋتىن جەتىلدىرۋگە جانە جاريا ەتۋگە باعىتتالعان.

ورتالىقتى سالتاناتتى تۇردە اشۋعا نۇر-سۇلتان قالالىق سوتىنىڭ ءتوراعاسى تىلەكتەس بارپىبايەۆ، قازاقستان رەسپۋبليكاسى جوعارعى سوتىنىڭ جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى نايل احمەتزاكيروۆ، سۋديالار، كاسىپكەرلەر پالاتاسىنىڭ، قۇرىلىس كەشەنى جانە تۇرعىن ءۇي-كوممۋنالدىق شارۋاشىلىق قىزمەتكەرلەرى كاسىپوداعىنىڭ، پ ي ك وكىلدەرى قاتىستى.

«سوت پراكتيكاسى كورسەتىپ وتىرعانداي، داۋلاردىڭ كوپشىلىگى ەڭبەك، نەكە جانە وتباسى، تۇرعىن ءۇي جانە زالالدى وتەۋگە قاتىستى بولىپ وتىر. وسىنداي داۋ-دامايلار سوتقا جەتپەي شەشىلۋى مۇمكىن»، - دەدى ت. بارپىبايەۆ.

ن. احمەتزاكيروۆ ورتالىقتىڭ اشىلۋىن ەلوردا تۇرعىندارى ءۇشىن ايتۋلى وقيعا دەپ اتادى. ول ەلباسىنىڭ مەدياتسيا ينستيتۋتىن جەتىلدىرۋ بويىنشا مىندەتتەر جۇكتەپ وتىرعانىن اتاپ كورسەتتى. «كەز كەلگەن ادام وسى جەردە مەدياتورلاردىڭ قىزمەتىن تەگىن پايدالانا الادى. ورتالىق ادامداردىڭ تۇيتكىلدى ماسەلەلەرىن شەشۋدە قازىرگى زامانعى تەحنولوگيانى قولدانۋدا. ال حالىق سوتتاردى ارالاپ اۋرە بولماي، ءوز ماسەلەلەرىن شەشۋگە مۇمكىندىك الادى»، - دەدى ول.

ورتالىق «ءبىر تەرەزە» قاعيداتىمەن قىزمەتتەر كورسەتۋگە نەگىزدەلگەن. مۇندا سوتتارعا بالاما رەتىندە مەدياتسيالىق كەلىسىمدەردى جاساسۋ جونىندە حالىققا كەشەندى قىزمەت كورسەتىلەتىن بولادى. تاراپتاردى تاتۋلاستىرۋ ءۇشىن بارلىق جاعدايلار جاسالعان. مۇنداعى قولايلى احۋال جاراسىمدى اڭگىمە- دۇكەن قۇرىپ، ءوزارا ءتيىمدى شەشىم قابىلداۋعا مۇمكىندىك بەرەدى. ال بالالار ءۇشىن وسى جەردە ويىن الاڭى دا ۇيىمداستىرىلعان.

«بۇل جەردە ءوتىنىشتىڭ سيپاتىن، داۋدىڭ ساناتىن، پروبلەمالى ماسەلەلەردى رەتتەۋ تاسىلدەرىن انىقتاۋدان، مەدياتورلاردى تاڭداۋدان باستاپ مەدياتسيالىق كەلىسىم جاساۋعا دەيىنگى ءتيىستى كومەك كورسەتىلەتىن بولادى. سونىمەن قاتار ورتالىق داۋدى تەز بىتىرۋگە، ادامداردىڭ ماسەلەلەردى شەشۋدەگى مادەنيەتىن ارتتىرۋعا، مورالدىق جانە ماتەريالدىق اۋىرتپالىقتى، قوعام ىشىندەگى قۇقىقبۇزۋشىلىقتار مەن جانجالدى جاعدايلاردى ازايتۋعا مۇمكىندىك بەرەدى»، - دەدى سوتتان.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات