+7 (701) 759 90 19
7 °С : نۇر-سۇلتان
9 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

ەڭبەك ءمينيسترى كوپبالالى انالاردىڭ تالابىنا قاتىستى پىكىر ءبىلدىردى

12 ماۋسىم 22:06
:ءبولىسۋ
ەڭبەك ءمينيسترى كوپبالالى انالاردىڭ تالابىنا قاتىستى پىكىر ءبىلدىردى

نۇر- سۇلتان. قازاقپارات - ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ جاقىندا كوپبالالى انالاردىڭ قاتىسۋىمەن وتكەن كەزدەسۋگە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«انالار كوتەرگەن ەڭ باستى ماسەلە - ول باسپانا. بىرىنشىدەن، ولار كەزەكتەن تىس باسپانا بەرگەندى تالاپ ەتۋدە. ەكىنشىدەن، باستاپقى جارناسىز، نەسيەسىز بولعانىن العا تارتۋدا. الايدا، بۇلاي بولمايدى، بارلىعى زاڭدى نەگىزدە ىسكە اسىرىلۋى كەرەك. بىزدە قاراپايىم ازاماتتار كەزەكتە تۇر. ياعني وسى ادامدارعا پاتەر بەرمەي، كەزەكتە تۇرماعان بۇل ايەلدەرگە بەرەمىز بە؟» - دەدى بەردىبەك ساپاربايەۆ پارلامەنت ماجىلىسىندە تىلشىلەردىڭ ساۋالىنا جاۋاپ بەرە وتىرىپ.

ءمينيستردىڭ ايتۋىنشا، بۇگىندە قازاقستاندا 31 مىڭ كوپبالالى وتباسى بار.

«ۇكىمەت ءۇش جىلدىڭ ىشىندە ولاردى پاتەرمەن قامتاماسىز ەتۋ مىندەتتەمەسىن وزىنە الدى. ال جاعدايى وتە قيىن جانە باسپاناسى جوق ايەلدەردىڭ ماسەلەسىنە توقتالساق، ءبىز ولارمەن جۇمىس ىستەپ، دەمەۋشىلەردى تارتىپ جاتىرمىز»، - دەدى ب. ساپاربايەۆ.

سونىمەن قاتار، مينيستر ەرەۋىلگە شىققان كوپبالالى انالاردىڭ اراسىندا جۇمىسقا ورنالاستىرۋدى سۇراعاندار از بولعانىن ايتتى.

«وكىنىشكە قاراي، جۇمىسقا ورنالاستىرۋدى سۇراعاندار از بولدى. بۇل ءوز كەزەگىندە ءبىزدى الاڭداتىپ وتىر. ەگەر دە ولار جۇمىس سۇراسا، وندا بۇل باسقا ماسەلە. ءبىز ولاردىڭ ماماندىعى بولماسا دا جۇمىس ۇسىنىپ جاتىرمىز. «ەڭبەك» باعدارلاماسى اياسىندا مەملەكەت ەسەبىنەن وقىتۋ مۇمكىندىگى بار. وسى ورايدا ماماندىققا وقىتىپ، كەيىننەن جۇمىسقا ورنالاسۋعا كومەكتەسەمىز نەمەسە مەملەكەت ەسەبىنەن وتەۋسىز گرانت بەرەمىز»، - دەدى ۆەدومستۆو باسشىسى.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات