19:28, 12 - ماۋسىم 2019 | GMT +6
سەنات كارىم ءماسىموۆتىڭ ۇ ق ك ءتوراعاسى بولىپ تاعايىندالۋىنا كەلىسىم بەردى
نۇر- سۇلتان. قازاقپارات - 12- ماۋسىم كۇنى داريعا نازاربايەۆانىڭ توراعالىعىمەن پارلامەنت سەناتىنىڭ وتىرىسى ءوتتى. وندا دەپۋتاتتار قازاقستان رەسپۋبليكاسى پرەزيدەنتىنىڭ ۇلتتىق قاۋىپسىزدىك كوميتەتىنىڭ ءتوراعاسى ەتىپ كارىم ءماسىموۆتى تاعايىنداۋ تۋرالى ۇسىنىسىنا كەلىسىم بەردى، دەپ حابارلايدى «قازاقپارات» ح ا ا.
زاڭناماعا سايكەس، ق ر پرەزيدەنتى ۇسىنعان ۇلتتىق قاۋىپسىزدىك كوميتەتىنىڭ ءتوراعاسىنا تاعايىنداۋ سەناتتىڭ كەلىسىمىمەن جۇزەگە اسادى.
وسىعان بايلانىستى جالپى وتىرىستا ق ر پارلامەنتى سەناتىنىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى مۇحتار قۇل- مۇحاممەد ءسوز سويلەدى. «كارىم ءماسىموۆ ءوزى جۇمىس ىستەگەن لاۋازىمداردا پرينتسيپشىل، ءوز ىسىنە، وتان الدىنداعى بورىشىنا ادال، جوعارى بىلىكتى مەملەكەتتىك قايراتكەر رەتىندە تانىتتى»، - دەدى.
مەملەكەت باسشىسىنىڭ ۇسىنىسىن دەپۋتاتتار ءبىر اۋىزدان قولدادى.
