پرەزيدەنت جارلىعىمەن ۇلتتىق قوعامدىق سەنىم كەڭەسى قۇرىلدى

 نۇر- سۇلتان. قازاقپارات - مەملەكەت باسشىسى ق ر پرەزيدەنتى جانىنان ۇلتتىق قوعامدىق سەنىم كەڭەسىن قۇرۋ تۋرالى جارلىققا قول قويدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ. قازاقپارات جارلىقتىڭ تولىق ءماتىنىن جاريالايدى.

قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسىن قۇرۋ تۋرالى قازاقستان رەسپۋبليكاسى كونستيتۋتسياسىنىڭ 44-بابى 20) تارماقشاسىنا سايكەس قاۋلى ەتەمىن:

1. قازاقستان رەسپۋبليكاسى پرەزيدەنتىنىڭ جانىنداعى ۇلتتىق قوعامدىق سەنىم كەڭەسى (بۇدان ءارى - كەڭەس) قۇرىلسىن.

2. قازاقستان رەسپۋبليكاسى پرەزيدەنتىنىڭ اكىمشىلىگى ءبىر ايلىق مەرزىمدە:

 1) ساياسي پارتيالار، ۇكىمەتتىك ەمەس ۇيىمدار كوشباسشىلارىمەن، ازاماتتىق سەكتور وكىلدەرىمەن كەڭەستى قالىپتاستىرۋ جانە ونىڭ جۇمىس ءتارتىبى ماسەلەلەرى بويىنشا كونسۋلتاتسيالار وتكىزسىن؛

 2) وتكىزىلگەن كونسۋلتاتسيالار قورىتىندىلارى بويىنشا قازاقستان رەسپۋبليكاسى پرەزيدەنتىنىڭ قاراۋىنا كەڭەستىڭ قۇرامى مەن كەڭەس تۋرالى ەرەجەنى ەنگىزسىن.

3. وسى جارلىق قول قويىلعان كۇنىنەن باستاپ قولدانىسقا ەنەدى.

 قازاقستان رەسپۋبليكاسىنىڭ پرەزيدەنتى ق. توقايەۆ