ەلىمىزدەگى لاستانعان وزەن- كولدەردىڭ ءتىزىمى قانداي
ساراپشىنىڭ ايتۋىنشا، شىعىس قازاقستانداعى تاۋ- كەن كاسىپورنىنا ءتيىپ جاتقان كراسنوياركا وزەنى شەكتەن تىس لاستانعان جالعىز وزەن رەتىندە تىركەلىپتى.
«قالىپتى لاستاندى دەگەن 42 سۋ كوزىنىڭ اراسىندا ەرتىس، ەسىل، جايىق، ىلە، سىرداريا، اياگوز، تەكەس، قاسكەلەڭ، تالعار، قاپشاعاي، تالعار، قوپا، زەرەندى وزەندەرى مەن ارال كولى بار. ال «قاتتى لاستانعان» 24 وزەن- كولدىڭ قاتارىنا بۋراباي جانە بالقاش كولدەرىنەن باستاپ، ءۇلبى، ىرعىز، ەمبى، ويىل، توبىل، قوبدا، نۇرا وزەندەرى كىردى. ءبىر ەسكەرەتىن جايت، مەن بۇل اقپاراتتى «قازگيدرومەت» مەكەمەسىنەن الىپ وتىرمىن. اتالمىش ۇيىم قازاقستانداعى سۋ كوزدەرىنىڭ ساپاسىن ۇدايى باقىلاۋدا ۇستاپ وتىر» ، - دەيدى مامان.
ساراپشى سۋ كوزدەرىنە ءوندىرىس وشاقتارى مەن قوقىس پوليگوندارىنان زارداپ كوپ تيەتىنىن ايتادى.
«سۋ كوزدەرىن لاستاۋشى زاتتار اراسىندا مىس، ازوت ءنيتريتى، فەنول، مىرىش، مارگەنەتس، مۇناي، حروم، نيكەل، ماگنيي، كالتسيي سياقتى 20 عا جۋىق ۋلى ءوندىرىس قالدىقتارى بار» ، - دەيدى اناتولي كرۋتوۆ.
وسى جاعدايدى تۇزەتۋ ءۇشىن سۋ ساپاسىنا جاۋاپتى 30 دان استام مامان 3 كۇن بويى ەۋروپالىق وداق تاجىريبەسىن ۇيرەنىپ، ارنايى وقۋ كۋرسىنان ءوتتى.