عالىمدار كوفەنىڭ ەرەكشە پايداسىن ايتتى

 نۇر- سۇلتان. قازاقپارات - فرانسۋز دارىگەرلەرى سيرەك كەزدەسەتىن گەنەتيكالىق بۇزىلۋلاردى سيپاتتادى، ونىڭ بەلگىلەرى كوفەيندى قولدانۋ ارقىلى جويىلادى.

11 جاسار بالانىڭ بۇلشىقەت قىزمەتى بۇزىلىپ، مۋتاتسياعا ۇشىراعان. ADCY5 گەنىندەگى اقاۋلىقپەن بايلانىستى ديسكينەزيا قول، بەت، اياق بۇلشىقەتتەرىنىڭ قىزمەتىن بۇزادى. بۇل شامامەن ميلليون ادامنىڭ بىرىندە كەزدەسەدى جانە ازىرگە ەمى تابىلعان جوق. الايدا اتا- انالار بۇل دەرتتەن ايىعۋ ءۇشىن بالالارعا كوفە ىشكەن دۇرىس دەپ ەسەپتەدى.

 دارىگەرلەر جازعانداي، بۇل بولجام دۇرىس بولدى. الايدا اتا- انالار كوفەينسىز ەسپرەسسو كاپسۋلالاردى ساتىپ الىپ، بالالارىن بەرىپ كەلدى. ولاردىڭ قاتەلىگى وسىندا جاتىر.

دارىگەرلەر كەرىسىنشە كۇشى كوپ كوفەنىڭ بۇلشىقەت جۇمىسىنا جاقسى اسەر ەتەتىنىن ايتادى. ءبىراق بۇل اۋرۋ وتە سيرەك كەزدەسەدى. سوندىقتان تۇجىرىمدى دالەلدەۋ ءۇشىن ايعاق از. ەكسپەريمەنت جۇرگىزۋ ءۇشىن ناۋقاستاردىڭ ءبىر توبى كوفەنى ءىشىپ، ەكىنشى توبى جاي عانا سوعان ۇقساس زات قابىلداۋى كەرەك.