قوعامداعى وزەكتى ماسەلەلەردى شەشۋ جولدارىن بىلەمىز - پرەزيدەنت
بۇل تۋرالى تاۋەلسىزدىك سارايىنداعى ۇلىقتاۋ راسىمىندە قازاقستان پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
«مەنىڭ سايلاۋالدى ۇگىت-ناسيحات جۇمىستارىم - بۇل ۇلكەن مىندەتتىڭ الدىنداعى حالىقپەن كەڭەسۋ بولدى. 2019 -جىلدىڭ 13 -مامىرىندا #BIRGE جالپىحالىقتىق اكسياسى باستالدى. ونىڭ باستى ماقساتى - ەل دامۋىنداعى ەڭ ماڭىزدى مىندەتتەردى انىقتاۋ. قازاقستاننىڭ بارلىق ايماقتارىنان ءتۇرلى ۇسىنىستار جينالدى. بۇگىنگە دەيىن 540 مىڭعا جۋىق ۇسىنىس-تىلەك كەلىپ ءتۇستى»، - دەدى پرەزيدەنت.
وسى ورايدا مەملەكەت باسشىسى #BIRGE اكسياسىنا قاتىسىپ، ازاماتتىق بەلسەندىلىك تانىتقان بارشا حالىققا شىن جۇرەكتەن العىسىن ايتتى.
«ەندى ءبىز قوعامداعى وزەكتى ماسەلەلەردى ايقىن كورىپ وتىرمىز. ونىڭ شەشۋ جولدارىن بىلەمىز»، - دەدى قاسىم-جومارت توقايەۆ.