مەملەكەتتىك باسقارۋعا ءبىلىمدى ازاماتتار عانا كەلۋى ءتيىس - مەملەكەت باسشىسى

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ مەملەكەتتىك باسقارۋ جۇيەسىنە كادرلاردى ىرىكتەۋ ۇستانىمدارى جونىندە ايتىپ بەردى، دەپ حابارلايدى قازاقپارات ءتىلشىسى.

«قوعامنىڭ ساياسي وزگەرۋى جالعاسا بەرەدى. ساياسي قوندىرمالار تەرەڭ ەكونوميكالىق وزگەرىستەرگە نەگىزدەلۋى ءتيىس. ايتپەسە، رەفورمالار تۇرالاپ قالۋى مۇمكىن»، - دەدى پرەزيدەنت.

ونىڭ ايتۋىنشا، مۇنى الەمدىك تاجىريبەدەن انىق بايقاۋعا بولادى.

«مەملەكەتتىك باسقارۋ جۇيەسىنە تەك قانا لايىقتى، ءبىلىمدى ازاماتتار ءادىل باسەكە نەگىزىندە كەلۋى ءتيىس. كادرلاردى ىرىكتەۋدىڭ وزگە ۇستانىمى بولماۋى ءتيىس. جالپى بيلىكتىڭ حالىق الدىنداعى جاۋاپكەرشىلىگىن ارتتىرۋ مىندەتى تۇر»، - دەدى ق. توقايەۆ.

سونىمەن بىرگە، پرەزيدەنت ازاماتتىق قوعامدى دامىتۋعا ەرەكشە كوڭىل بولىنەتىنىن جەتكىزدى.