پرەزيدەنت قازاقستاننىڭ سىرتقى ساياساتىنىڭ باسىمدىقتارىن اتادى
«قازاقستان الەمدىك ارەنادا ۇلكەن ابىروي جينادى. ءوزىن بەيبىتشىلىكتى سۇيەتىن، اشىق، سەنىمدى مەملەكەت رەتىندە بەكىتتى. حالىقارالىق ىستەردە سەنىمدى ءارى جاۋاپتى سەرىكتەس ەكەنىن بەكەمدەدى»، - دەدى قاسىم-جومارت توقايەۆ ەلورداداعى ۇلىقتاۋ راسىمىندە.
ول سونىمەن قاتار، قازاقستاننىڭ سىرتقى ساياساتى قانداي بولاتىنىن ايتىپ بەردى.
«ءبىز كونسترۋكتيۆتى، ۇيلەسىمدى، كوپۆەكتورلى باعىتتى جالعاستىرامىز. الەمدىك ارەنادا ۇلتتىق مۇددەنى قورعايتىن بولامىز. ەلدىڭ سىرتقى ساياساتىنىڭ جۇمىسى ەلگە، ۇلتتىق بيزنەسكە، ءاربىر ازاماتقا پايدا اكەلەتىن بولادى»، - دەدى پرەزيدەنت.
ايتا كەتسەك، ەلوردادا جاڭادان سايلانعان ق ر پرەزيدەنتى قاسىم-جومارت توقايەۆتى ۇلىقتاۋ ءراسىمى ءوتتى. ق. توقايەۆتى ۇلىقتاۋ راسىمىنە ۇكىمەت مۇشەلەرى، پارلامەنت دەپۋتاتتارى، كونستيتۋتسيالىق كەڭەس مۇشەلەرى, جوعارعى سوت سۋديالارى، قازاقستاندا تىركەلگەن ديپلوماتيالىق كورپۋس وكىلدەرى جانە باسقا دا شاقىرىلعان قوناقتار قاتىستى.
ۇلىقتاۋ راسىمىندە قاسىم- جومارت توقايەۆ قازاقستان حالقىنا انت بەردى. انت بەرگەن ساتتەن باستاپ جاڭادان سايلانعان پرەزيدەنت رەسمي قىزمەتىنە كىرىسكەن بولىپ سانالادى.