قاسىم-جومارت توقايەۆ مەملەكەتتىك بيلىكتىڭ جاڭا فورمۋلاسىن اتادى

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ ەل باسقارۋدىڭ ءتيىمدى فورمۋلاسىن اتادى، دەپ حابارلايدى قازاقپارات.

«پرەزيدەنت رەتىندە مەن ءۇشىن ەكونوميكالىق دامۋدىڭ جالپى سيفرلارى ەمەس، حالقىمىزدىڭ ناقتى يگىلىگى ماڭىزدى. سوندىقتان ستراتەگيالىق ماسەلەلەر بويىنشا شەشىم قابىلداردا حالىقتىڭ پىكىرى نازارعا الىنادى. بىزدەگى مەملەكەتتىك بيلىك فورمۋلاسى - كۇشتى ءارى وكىلەتتى پرەزيدەنت، بەدەلدى جانە ارەكەتكە بەيىم پارلامەنت، حالىققا ەسەپ بەرۋگە مىندەتتى ۇكىمەت. ءدال وسىنداي ساياسي جۇيە كۇردەلى گەوساياسي ورتاداعى مەملەكەتىمىزدىڭ قاجەتتىلىكتەرىنە ساي كەلەدى، الدىمىزدا تۇرعان ستراتەگيالىق مىندەتتەردى اتقارۋعا كومەكتەسەدى»، - دەدى مەملەكەت باسشىسى.

ايتا كەتەيىك، استاناداعى تاۋەلسىزدىك سارايىندا جاڭادان سايلانعان قازاقستان پرەزيدەنتى قاسىم-جومارت توقايەۆتى ۇلىقتاۋ ءراسىمى ءوتتى. مەملەكەت باسشىسى قازاقستان حالقىنا انت بەردى.