+7 (701) 759 90 19 Лента
17 °С : استانا
17 °С : الماتى
USD 378.38 EUR 431.05
RUB 6.02 CNY 55.00
جاڭالىقتار

بيلىك حالىق الدىندا تۇراقتى ەسەپ بەرۋى ءتيىس - توقايەۆ

12 ماۋسىم 13:50 305
:ءبولىسۋ
بيلىك حالىق الدىندا تۇراقتى ەسەپ بەرۋى ءتيىس - توقايەۆ

نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ الداعى وزگەرىستەر مەن زاماناۋي سىن-قاتەرلەر تۋرالى پىكىر ءبىلدىردى، دەپ حابارلايدى قازاقپارات.

«قازىرگى ۋاقىتتا تەحنولوگيالار مەن ەكونوميكا، الەۋمەتتىك ءتارتىپ، ازاماتتاردىڭ كوزقاراسى وزگەرىپ بارادى. اسىرەسە، جاستاردىڭ كوزقاراسى. قازاقستاننىڭ الدىندا جاڭا تەگەۋرىندەر مەن قاۋىپتەر تۇر. جىلدار بويى حالىقارالىق ساياساتپەن اينالىسىپ كەلە جاتقان مەن جاڭا ءداۋىردىڭ  كەلە جاتقانىن ايقىن سەزىنەمىن. ساۋدا سوعىستارى مەن حالىقارالىق قارىم-قاتىناستىڭ شيەلەنىسى، بۇرىنعى قاۋىپسىزدىك مەحانيزمدەرىنىڭ بۇزىلۋى، وڭىرلىك شيەلەنىستەردىڭ كوبەيۋى - بارلىعى جاڭا گەوساياسي شىنايىلىق. الداعى بىرنەشە جىلدا زامانىمىزدىڭ ەڭ باستى ماسەلەسى شەشىلەدى. قانداي ەلدەر پروگرەسكە ىلەسىپ كەتە الادى، قانداي ەلدەر الەمدىك دامۋدان تىس قالادى؟»، - دەدى مەملەكەت باسشىسى.

ونىڭ ايتۋىنشا، ەكونوميكالىق، الەۋمەتتىك جانە ساياسي پروگرەسس - ءبىزدىڭ زاماناۋي سىن-قاتەرلەرگە جالعىز دۇرىس جاۋابىمىز بولماق.

«ءبىز الەمگە اشىقپىز، ۇزدىك جەتىستىكتەرگە، ۇزدىك تەحنولوگيالارعا تالپىنامىز. ەل يگىلىگىنە ارنالعان جاسامپاز وزگەرىستەر - مەنىڭ پروگرەستەگى تۇسىنىگىم وسى. سونىمەن بىرگە، بيلىك حالىقتىڭ سۇرانىسىن ەستۋى قاجەت، تۋىنداعان ماسەلەلەردى سول جەردە شەشىپ، ازاماتتار الدىندا تۇراقتى ەسەپ بەرۋى ءتيىس. ۋادە بەرمەي، بىردەن ىسكە كىرىسۋى قاجەت. بۇل قاعيدانى ۇكىمەتتىڭ بارلىق مۇشەلەرى مەن اكىمدەر ۇستانۋى كەرەك»، - دەدى پرەزيدەنت.

ايتا كەتەيىك، استاناداعى تاۋەلسىزدىك سارايىندا جاڭادان سايلانعان قازاقستان پرەزيدەنتى قاسىم-جومارت توقايەۆتى ۇلىقتاۋ ءراسىمى ءوتتى. مەملەكەت باسشىسى قازاقستان حالقىنا انت بەردى.

 


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات