+7 (701) 759 90 19
5 °С : نۇر-سۇلتان
18 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

قاسىم-جومارت توقايەۆ: الدىمىزداعى بارلىق قيىندىقتاردى بىرگە ەڭسەرەمىز

12 ماۋسىم 12:30
:ءبولىسۋ
قاسىم-جومارت توقايەۆ: الدىمىزداعى بارلىق قيىندىقتاردى بىرگە ەڭسەرەمىز

نۇر-سۇلتان. قازاقپارات - انت بەرگەن ساتتەن باستاپ جاڭادان سايلانعان پرەزيدەنت قاسىم-جومارت توقايەۆ قازاقستاننىڭ جارقىن بولاشاعى ءۇشىن ايانباي ەڭبەك ەتۋگە سەرت بەردى، دەپ حابارلايدى قازاقپارات ءتىلشىسى.

«قىمباتتى وتانداستار! الدىمىزدا اۋقىمدى ءارى جالپىحالىقتىق مىندەتتەر تۇر. ماقساتىمىز - ايقىن، جولىمىز - اشىق. قازاقستان جاڭا مۇمكىندىكتەر مەن پەرسپەكتيۆالار ەلىنە اينالدى. ونىڭ يگىلىگىن جاستار مەن كەلەشەك ۇرپاق كورەدى. ءبىز - بابالار ءداستۇرىن قاستەرلەيتىن، جاھاننىڭ وزىق جەتىستىكتەرىنە ۇمتىلاتىن حالىقپىز. بۇل - ءبىزدىڭ كۇش- قۋاتىمىزدىڭ دىڭگەگى. ءبىز الدىمىزداعى بارلىق قيىندىقتاردى بىرگە ەڭسەرەمىز. ءبىز قۋاتتى ءارى گۇلدەنگەن قازاقستاننىڭ وركەندەۋى ءۇشىن بىرگە ەڭبەك ەتەمىز. انتقا ادال بولۋ، سەرتكە بەرىك بولۋ - مەنىڭ حالىق الدىنداعى قارىزىم. قازاقستاننىڭ جارقىن بولاشاعى ءۇشىن، حالىق ءۇشىن ايانباي ەڭبەك ەتۋگە سەرت بەرەمىن. بارشاڭىزعا اماندىق، قۇت-بەرەكە تىلەيمىن. قاسيەتتى وتانىمىز - قازاقستان رەسپۋبليكاسى جاساي بەرسىن»، - دەپ ءتۇيدى ءسوزىن ۇلىقتاۋ راسىمىندە قاسىم- جومارت توقايەۆ.

ايتا كەتسەك، ەلوردادا جاڭادان سايلانعان ق ر پرەزيدەنتى قاسىم-جومارت توقايەۆتى ۇلىقتاۋ ءراسىمى ءوتىپ جاتىر. شاراعا ۇكىمەت مۇشەلەرى، پارلامەنت دەپۋتاتتارى، كونستيتۋتسيالىق كەڭەس مۇشەلەرى، جوعارعى سوت سۋديالارى، قازاقستاندا تىركەلگەن ديپلوماتيالىق كورپۋس وكىلدەرى جانە باسقا دا شاقىرىلعان قوناقتار قاتىسۋدا.

تاۋەلسىزدىك سارايىندا قاسىم-جومارت توقايەۆ قازاقستان حالقىنا انت بەردى. انت بەرگەن ساتتەن باستاپ جاڭادان سايلانعان پرەزيدەنت رەسمي قىزمەتىنە كىرىسكەن بولىپ سانالادى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات