ازاماتتار بارلىق جەردە ادىلدىك ورناعانىن قالايدى - ق ر پرەزيدەنتى
تاۋەلسىزدىك سارايىنداعى ۇلىقتاۋ راسىمىندە قازاقستان پرەزيدەنتى قاسىم- جومارت توقايەۆ وسىلاي ايتتى، دەپ حابارلايدى قازاقپارات ءتىلشىسى.
«بۇگىندە حالىقتى ەڭ الدىمەن نە مازالايدى؟ ەڭ ءبىرىنشى - ازاماتتار بارلىق جەردە ادىلدىك ورناۋىن قالايدى. الەۋمەتتىك ساياساتتان باستاپ مەملەكەتتىك ورگانداردىڭ حالىققا ءادىل قىزمەت كورسەتۋىن تالاپ ەتەدى. حالىقتى تولعاندىرىپ وتىرعان باستى ماسەلە - تابىس كولەمىنىڭ ازايۋى. حالىقارالىق قارجى نارىقتارىنىڭ تۇراقسىزدانۋى، تەڭگەنىڭ دەۆالۆاتسياسى حالىقتىڭ تابىسىنا كەرى اسەر ەتتى. ميلليوننان استام ازاماتتارىمىز بانكتەن نەسيە الۋعا ءماجبۇر بولدى. تابىسى جوعارى جانە تومەن ازاماتتارىمىزدىڭ اراسىنداعى الشاقتىق - ءبىزدىڭ قوعامدى مازالايتىن تاعى ءبىر وزەكتى ماسەلە. ارينە، مۇنداي قۇبىلىستار بۇكىل الەمدە بار. دەگەنمەن، توقمەيىلسىپ وتىرا بەرۋگە بولمايدى!»، - دەدى مەملەكەت باسشىسى.
پرەزيدەنتتىڭ سوزىنە قاراعاندا، سوندىقتان دا ءدال وسى وتكىر الەۋمەتتىك-ەكونوميكالىق جانە ساياسي ماسەلەنى شەشۋدە ورتامەرزىمدى كەشەندى شارالار قابىلداۋ قاجەت ەكەنىن اتاپ ءوتتى.