ەلباسىنىڭ الەم قاۋىمداستىعى ءۇشىن سىڭىرگەن ەڭبەگىن ءارقاشان قۇرمەتتەيمىز - قاسىم- جومارت توقايەۆ
بۇل تۋرالى تاۋەلسىزدىك سارايىنداعى ۇلىقتاۋ راسىمىندە قازاقستان پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
«اقيقاتىن ايتۋىمىز كەرەك، بۇل سايلاۋدا ءبىزدىڭ ازاماتتارىمىز ەلباسىنىڭ ستراتەگيالىق باعدارىن قولداپ، داۋىس بەردى. نۇرسۇلتان ءابىش ۇلى نازاربايەۆ بۇكىل الەم مويىنداعان دامۋ مودەلىن جاسادى. قازاقستاننىڭ كوك تۋىن دۇنيەجۇزىنىڭ تۇكپىر-تۇكپىرىندە جەلبىرەتتى. وسى كۇندەرى مەنىڭ اتىما ازاماتتارىمىزدان كوپتەگەن ءوتىنىش-تىلەكتەر كەلىپ تۇسۋدە. ولاردىڭ بارىندە ورتاق ءبىر عانا تىلەك - ەلباسىمىزدىڭ جولىن، ستراتەگياسىن ساقتاۋ جانە ونى ودان ءارى نىعايتۋ. شىن مانىندە حالىقتىڭ ءدال وسىنداي ءوتىنىش- تىلەك ايتۋى زاڭدى ءارى ورىندى. سەبەبى قازىرگى دامىعان قازاقستان - بۇل ەڭ الدىمەن ەلباسىنىڭ ارقاسى!»، - دەدى ق. توقايەۆ.
وسى ورايدا قاسىم-جومارت كەمەل ۇلى ەلباسى جاھاندىق دەڭگەيدەگى مەملەكەت قايراتكەرى ەكەنىن اتاپ ءوتتى.
«الەم تاريحىنا ءدال وسىلاي جازىلدى. ەلباسىنىڭ حالقىمىز ءۇشىن جانە الەم قاۋىمداستىعى ءۇشىن سىڭىرگەن وراسان زور ەڭبەگىن ءارقاشان قۇرمەتتەۋ - بارىمىزگە ورتاق پارىز»، - دەدى پرەزيدەنت.