مەملەكەت باسشىسى پرەزيدەنتتىك كادرلىق رەزەرۆ قۇرىلاتىنىن مالىمدەدى
«مەنىڭ ەڭ باستى مىندەتىم - سىزدەر ەڭ باستى ارماندارىڭىزدى ورىنداي الاتىنداي جاعداي جاساۋ، ءوزىڭىزدىڭ جەتىستىك جولىڭىز تۋرالى جازا بىلۋگە مۇمكىندىك جاساۋ. مەملەكەتتىك قىزمەتتىڭ بارلىق دەڭگەيىندە جاڭا دارىندى باسقارۋشىلاردى قولداۋ ءۇشىن پرەزيدەنتتىك كادرلىق رەزەرۆ قۇرىلادى. ءبىزدىڭ جاستار - وتە دارىندى ءارى كرەاتيۆتى، ماقساتقا ۇمتىلىپ تۇرادى. سول سەبەپتى، قازاقستاننىڭ بولاشاعى سەنىمدى قولدا دەپ ايتا الامىن»، - دەدى قاسىم-جومارت توقايەۆ ەلورداداعى ۇلىقتاۋ راسىمىندە.
ايتا كەتسەك، ەلوردادا جاڭادان سايلانعان ق ر پرەزيدەنتى قاسىم-جومارت توقايەۆتى ۇلىقتاۋ ءراسىمى ءوتىپ جاتىر. شاراعا ۇكىمەت مۇشەلەرى، پارلامەنت دەپۋتاتتارى، كونستيتۋتسيالىق كەڭەس مۇشەلەرى، جوعارعى سوت سۋديالارى، قازاقستاندا تىركەلگەن ديپلوماتيالىق كورپۋس وكىلدەرى جانە باسقا دا شاقىرىلعان قوناقتار قاتىسۋدا.
تاۋەلسىزدىك سارايىندا قاسىم- جومارت توقايەۆ قازاقستان حالقىنا انت بەردى. انت بەرگەن ساتتەن باستاپ جاڭادان سايلانعان پرەزيدەنت رەسمي قىزمەتىنە كىرىسكەن بولىپ سانالادى.