ازاماتتاردى ساياسي كوزقاراستارى مەن ۇستانىمدارىنا قاراي بولۋگە جول بەرمەيمىن - پرەزيدەنت

نۇر-سۇلتان. قازاقپارات - ەلىمىزدىڭ ءار ازاماتىنىڭ مۇددەسىن قورعاۋ - مەنىڭ باستى ماقساتىم. بۇل تۋرالى ەلوردادا تاۋەلسىزدىك سارايىنداعى ۇلىقتاۋ راسىمىندە قازاقستان پرەزيدەنتى قاسىم- جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«پرەزيدەنت رەتىندە حالقىمىزعا مىنانى ايتقىم كەلەدى: ەلىمىزدىڭ ءار ازاماتىنىڭ مۇددەسىن قورعاۋ - مەنىڭ باستى ماقساتىم. ولاردى ساياسي كوزقاراستارى مەن ۇستانىمدارىنا قاراي بولۋگە جول بەرمەيمىن. ءتۇرلى ساياسي جانە قوعام قايراتكەرلەرىنەن كەلىپ تۇسكەن قۇندى ۇسىنىستاردى، باستامالاردى مەن ءوز جۇمىسىمدا مىندەتتى تۇردە ەسكەرەمىن. اشىق جانە ءادىل جۇمىس ىستەيمىن. ءبىز ءۇشىن ەڭ ماڭىزدى مىندەت - زاڭعا ساي ادال قىزمەت ەتۋ. ءبىزدىڭ ءبىر عانا وتانىمىز بار! تاعدىرىمىز ءبىر! حالقىمىزدىڭ جارقىن بولاشاعى ءۇشىن ءبارىمىز بىرگە ەڭبەك ەتەمىز!»، - دەدى مەملەكەت باسشىسى.