11:42, 12 - ماۋسىم 2019 | GMT +6
قازاقستاننىڭ جارقىن بولاشاعى ءۇشىن ءاربىر ازاماتتىڭ پىكىرى وتە ماڭىزدى - مەملەكەت باسشىسى
نۇر-سۇلتان. قازاقپارات - ساياسي باسەكەدە ءبىزدىڭ حالقىمىزدىڭ دانالىعى، پاراساتى جەڭدى. بۇل تۋرالى ەلورداداعى تاۋەلسىزدىك سارايىنداعى ۇلىقتاۋ راسىمىندە قازاقستان پرەزيدەنتى قاسىم- جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
پرەزيدەنت وتكەن سايلاۋ ساياسي باعدارلامالار سايىسقا تۇسكەن ءادىل دودا بولعانىن اتاپ ءوتتى.
«وسى وتە ماڭىزدى ساياسي باسەكەدە ءبىزدىڭ حالقىمىزدىڭ دانالىعى، پاراساتى جەڭدى. سوندىقتان بۇل جەڭىس - حالقىمىزدىڭ جەڭىسى»، - دەدى مەملەكەت باسشىسى.
ءبىز ءبىر ەل بولىپ، حالىق بولىپ، قازاقستاننىڭ الداعى دامۋ جولىن بىرگە ايقىندادىق. 9 ماۋسىمدا قازاقستاننىڭ جارقىن بولاشاعى ءۇشىن داۋىس بەرگەن ءاربىر ازاماتتىڭ پىكىرى ءبىز ءۇشىن وتە ماڭىزدى. ويتكەنى حالقىمىزدىڭ تاتۋلىعى، ىنتىماعى، بىرلىگى - ءبىزدىڭ ەڭ باكستى قۇندىلىعىمىز»، - دەدى ق. توقايەۆ.