پرەزيدەنت: زور سەنىم ارتقان قازاقستان حالقىنا العىس ايتامىن

نۇر-سۇلتان. قازاقپارات - پرەزيدەنت سايلاۋى شىن مانىندە دەموكراتيا تالاپتارىنا ساي ءوتتى. بۇل تۋرالى ەلوردادا تاۋەلسىزدىك سارايىنداعى ۇلىقتاۋ راسىمىندە قازاقستان پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«ەڭ الدىمەن ماعان زور سەنىم ارتىپ، قولداۋ كورسەتكەن بارشا قازاقستان حالقىنا العىس ايتامىن. بۇل سايلاۋ شىن مانىندە دەموكراتيا تالاپتارىنا ساي ءوتتى. سايلاۋ الاڭىندا ناڭىز اشىق باسەكەگە ءتۇسۋ مۇمكىندىگى بولدى»، - دەدى مەملەكەت باسشىسى.