قازاقستاندا اۋرۋحانالار قۇرىلىسىنا شەتەلدىك ينۆەستيتسيالار تارتىلادى
ق ر پرەمەر- ءمينيسترى ا. مامين ق ر تۇڭعىش پرەزيدەنتى - ەلباسى ن. نازاربايەۆتىڭ «الەۋمەتتىك قامقورلىق» الەۋمەتتىك شارالارىن ىسكە اسىرۋ جانە مەملەكەت باسشىسى ق. توقايەۆتىڭ قازاقستاندىقتاردىڭ دەنساۋلىعىن ساقتاۋ ماسەلەلەرى جونىندەگى تاپسىرمالارىن ورىنداۋ اياسىندا مەملەكەتتىك- جەكەشەلىك ارىپتەستىك تەتىگى بويىنشا جاڭا دەنساۋلىق ساقتاۋ نىساندارىن سالۋ تۋرالى كەلىسىمگە قول قويۋ راسىمىنە قاتىستى.
پەتروپاۆل قالاسىندا كونسۋلتاتيۆتىك- دياگنوستيكالىق ورتالىعى بار 500 توسەك-ورىندىق كوپبەيىندى وبلىستىق اۋرۋحانا قۇرىلىسىنىڭ جوباسى تۋرالى قۇجاتقا سولتۇستىك قازاقستان وبلىسىنىڭ اكىمى ق. اقساقالوۆ پەن «YDA Holding» تۇرىك كومپانياسىنىڭ باسقارما ءتوراعاسى ا. حۋسەين قول قويدى. اۋرۋحانا كەشەنى 7 كوپبەيىندى، توزعان جانە بولەك-بولەك نىسانداردىڭ ورنىنا سالىناتىن بولادى.
تاعى ءبىر كوپبەيىندى اۋرۋحانا تۇركىستان قالاسىندا سالىنادى. تۇركىستان وبلىسىنىڭ اكىمى ءو. شوكەيەۆ، «BI- Holding» كومپانياسى كونسورتسيۋمى باقىلاۋشى كەڭەسىنىڭ ءتوراعاسى ا. راحىمبايەۆ جانە «YDA Holding» تۇرىك كومپانياسىنىڭ باسقارما ءتوراعاسى ا. حۋسەين 610 توسەك- ورىندىق كوپبەيىندى وبلىستىق مەديتسينالىق ورتالىق قۇرىلىسىنىڭ جوباسى بويىنشا ءوزارا ىنتىماقتاستىق تۋرالى قۇجاتقا قول قويدى. اۋرۋحانادا ونكولوگيالىق جانە كارديولوگيالىق بولىمدەر، پەريناتالدى ورتالىق، جەدەل مەديتسينالىق جاردەم ستانتسياسىن جانە ت. ب اشۋ كوزدەلگەن. نىسان قۇرىلىسىن 2022 -جىلى اياقتاۋ جوسپارلانعان.
قۇرىلىسقا، ەكى مەديتسينالىق نىساندى جابدىقتاۋعا تارتىلاتىن ينۆەستيسيالاردىڭ جالپى كولەمى 50 ميلليارد تەڭەگە جۋىق سومانى قۇرايدى.
ايتا كەتەيىك، بۇل جوبالار دەنساۋلىق ساقتاۋ ينفراقۇرىلىمدارىن دامىتۋدىڭ وڭىرلىك پەرسپەكتيۆالى جوسپارلارى اياسىندا ىسكە اسىرىلادى.
ينۆەستور كومپانيانىڭ باسقارما ءتوراعاسى ا. حۋسەين اتاپ وكتەندەي، قازاقستانداعى ينۆەستيتسيالىق احۋال قولايلى جانە ينۆەستورلار ءۇشىن جوبالاردى جۇزەگە اسىرۋىنا بارلىق جاعدايلار جاسالعان.
قابىلدانىپ جاتقان شارالار ەلىمىزدىڭ اۋرۋحانا سەكتورىنىڭ ينفراقۇرىلىمىن جاڭارتىپ، ىشكى سۇرانىستى قاناعاتتاندىرىپ، كورسەتىلەتىن مەديتسينالىق قىزمەتتەردىڭ ساپاسىن، قولجەتىمدىلىگىن جانە ۋاقىتتىلىعىن ارتتىرادى، سونداي-اق ورتالىق ازيا مەن ت م د ەلدەرى ءۇشىن مەديتسينالىق تۋريزم ورتالىعىنا اينالۋعا مۇمكىندىك بەرەدى.