+7 (701) 759 90 19
2 °С : نۇر-سۇلتان
6 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

قازاقستان پرەزيدەنتىن ۇلىقتاۋ ءراسىمى باستالدى

12 ماۋسىم 10:53
:ءبولىسۋ
قازاقستان پرەزيدەنتىن ۇلىقتاۋ ءراسىمى باستالدى

نۇر-سۇلتان. قازاقپارات - بۇگىن ەلوردادا جاڭادان سايلانعان ق ر پرەزيدەنتى قاسىم-جومارت توقايەۆتى ۇلىقتاۋ ءراسىمى باستالدى، دەپ حابارلايدى قازاقپارات ءتىلشىسى.

پرەزيدەنت كورتەجى اقورداداعى رەزيدەنسيادان شىعىپ، ۇلىقتاۋ ءراسىمى وتەتىن تاۋەلسىزدىك سارايىنا قاراي بەت الادى.

سالتاناتتى ءراسىم زالىنا ق ر مەملەكەتتىك تۋى، ق ر پرەزيدەنتىنىڭ شتاندارتى اكەلىندى.

ق. توقايەۆتى ۇلىقتاۋ راسىمىنە ۇكىمەت مۇشەلەرى، پارلامەنت دەپۋتاتتارى، كونستيتۋتسيالىق كەڭەس مۇشەلەرى، جوعارعى سوت سۋديالارى، قازاقستاندا تىركەلگەن ديپلوماتيالىق كورپۋس وكىلدەرى جانە باسقا دا شاقىرىلعان قوناقتار قاتىسۋدا.

ۇلىقتاۋ ءراسىمى بارىسىندا ورتالىق سايلاۋ كوميسسياسى جاڭا سايلانعان پرەزيدەنتكە قازاقستان رەسپۋبليكاسى پرەزيدەنتىنىڭ كۋالىگىن تاپسىرادى. سونىمەن قاتار، پرەزيدەنت ءراسىم بارىسىندا قازاقستان حالقىنا انت بەرەدى. ال انت بەرگەن ساتتەن باستاپ جاڭادان سايلانعان پرەزيدەنت رەسمي قىزمەتىنە كىرىسكەن بولىپ سانالادى.

زاڭعا سايكەس، رەسپۋبليكا پرەزيدەنتى قاسىم-جومارت توقايەۆ كونستيتۋتسياعا قولىن قويىپ تۇرىپ: «قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ كونستيتۋتسياسى مەن زاڭدارىن قاتاڭ ساقتاۋعا، ازاماتتاردىڭ قۇقىقتارى مەن بوستاندىقتارىنا كەپىلدىك بەرۋگە، قازاقستان رەسپۋبليكاسى پرەزيدەنتىنىڭ وزىمە جۇكتەلگەن مارتەبەلى مىندەتىن ادال اتقارۋعا سالتاناتتى تۇردە انت ەتەمىن»، - دەپ حالىققا انت بەرەدى.

ەسكە سالا كەتەيىك، ق ر ورتالىق سايلاۋ كوميسسياسىنىڭ شىعارعان قورىتىندىسىنا سايكەس، 9 -ماۋسىمداعى كەزەكتەن تىس پرەزيدەنتتىك سايلاۋدا كانديدات قاسىم-جومارت توقايەۆ سايلاۋشىلاردىڭ 70,96 پروتسەنت داۋىسىن (سايلاۋشىلاردىڭ 6539715 داۋىسى) الىپ، جەڭىسكە جەتكەن بولاتىن. وسىعان بايلانىستى ورتالىق سايلاۋ كوميسسياسى ق ر پرەزيدەنتىنىڭ انت بەرۋ كۇنىن 12 -ماۋسىمعا بەلگىلەۋ تۋرالى ارنايى قاۋلى قابىلدادى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات