الەمدەگى ەڭ كوپ تابىس تاباتىن سپورتشىلار انىقتالدى

None
None
نۇر-سۇلتان. قازاقپارات - يسپاندىق «بارسەلونانىڭ» شابۋىلشىسى ليونەل مەسسي Forbes جۋرنالىنىڭ نۇسقاسى بويىنشا الەمدەگى ەڭ كوپ تابىس تاباتىن سپورتشىلار تىزىمىندە ءبىرىنشى ورىنعا شىقتى، دەپ حابارلايدى «قازاقپارات» ح ا ا.

2018 -جىلدىڭ ماۋسىمىنان 2019 -جىلدىڭ ماۋسىمىنا دەيىنگى ارالىقتا فۋتبولشى 127 ميلليون دوللار تابىسقا كەنەلگەن.

ەكىنشى ورىندا ءبىر جىل بۇرىن جارنامالىق كەلىسىمدەر ارقىلى ارگەنتينالىق سپورتشىدان اسىپ تۇسكەن «يۋۆەنتۋستىڭ» شابۋىلشىسى كريشتيانۋ رونالدۋ (109 ميلليون دوللار) كەلەدى.

ءۇشىنشى ورىنعا 105 ميلليون دوللار تابىسقا قول جەتكىزگەن «پ س ج» شابۋىلشىسى نەيمار شىقتى.

ءتورتىنشى ورىندا - بوكسشى كانەلو الۆارەس (94 ميلليون دوللار)، ال تەننيسشى رودجەر فەدەرەر (93,4 ميلليون دوللار) بەسىنشى.

ەڭ تابىستى سپورتشىلاردىڭ وندىعىنا 89,5 جانە سايكەسىنشە 89,3 ميلليون دوللار تاپقان امەريكالىق فۋتبولدىڭ ويىنشىلارى راسسەلل ۋيلسون مەن اارون رودجەرس، سونداي-اق باسكەتبولشى لەبرون دجەيمس (89 ميلليون)، ستەفەن كارري (79,8 ميلليون) جانە كيەۆين ديۋران (65,4 ميلليون) كىردى.

سوڭعى جاڭالىقتار