جولاۋشى ايەل ۇشاقتىڭ اۆاريالىق شىعار ەسىگىن اشىپ جىبەرگەن

None
None
نۇر-سۇلتان. قازاقپارات - جولاۋشى ايەل اجەتحانامەن شاتاستىرىپ ۇشاقتىڭ ۇرمەلى تراپى بار اۆاريالىق شىعار ەسىگىن اشىپ جىبەرگەن، دەپ حابارلايدى The Independent.

مانچەستەردەن يسلامابادقا باعىت العان ۇشاقتىڭ ىشىندەگى جولاۋشىلاردىڭ ءبىرى رەيستىڭ سەگىز ساعاتقا كەشىگۋىنە سەبەپشى بولدى. لاينەر ۇشۋعا دايىندالىپ، بارلىق جولاۋشىلار ءوز ورىندىقتارىنا جايعاسىپ، بەلدىكتەرىن تاعۋى ءتيىس كەزدە جولاۋشى ايەل اۆاريالىق شىعار ەسىكتى اشىپ جىبەرگەن.

وسىلايشا اجەتحاناعا بارماق بولعان ايەل ەسىكتەردى شاتاستىرىپ العان. Pakistan International Airlines ۇشاعى اۋەگە كوتەرىلۋگە دايىندالىپ جاتقاندا، ەسىكتەرىنىڭ ءبىرى اشىلىپ، ۇرمەلى تراپ تومەن تۇسكەن. سوندىقتان رەيس سەگىز ساعاتقا جۋىق كەشىككەن.

اۋە كومپانياسىنىڭ قىزمەتكەرلەرى بولعان جايتقا قاتىستى مۇقيات تەكسەرۋ جۇمىستارىن جۇرگىزەتىن بولادى، سەبەبى ۇشار الدىندا بورتسەرىكتەر وسى اۆاريالىق ەسىكتەردىڭ جانىندا بولۋى ءتيىس.

دەرەككوزى: كوررەسپوندەنت

سوڭعى جاڭالىقتار