اۋادا قالقىپ تۇراتىن ءۇي قۇراستىرىلدى

نۇر-سۇلتان. قازاقپارات - ادامنان ايلا ارتىلعان با. جۋىردا جاپونيادا ءزىلزالا كەزىندە جەردەن بىرنەشە سانتيمەترگە كوتەرىلە الاتىن ءۇي قۇراستىرىلدى.

جەر سىلكىنىسى اياقتالعانشا وسىنداي كۇيدە تۇرا الادى. اتالمىش تەحنولوگيا وتكەن ون جىلدىقتا ويلاپ تابىلعان بولاتىن، الايدا، جاپوندار وعان 2011 -جىلعى جويقىن جەر سىلكىنىسىنەن كەيىن نازار اۋدارعان ەدى.

Air Danshin Systems Inc كومپانياسىنىڭ كونسترۋكتورلارى ويلاپ تاپقان بۇل جۇيەدە ءزىلزالا كەزىندە ءۇيدى جەردەن كوتەرۋگە مۇمكىندىك بەرەتىن اسا قۋاتتى اۋە بوستەگىن قامتيدى.

سەزىمتال داتچيك سەيسميكالىق بەلسەندىلىكتى دەر كەزىندە بايقاپ، اۋا كومپرەسسورىنا بەلگى بەرەدى. اۋا كومپرەسسورى ساناۋلى سەكۋند ىشىندە ءۇي مەن ونىڭ ىرگەتاسى اراسىنداعى ارنايى بوستەكتى نەمەسە جاستىقتى ۇرلەپ، اۋاعا تولتىرادى. مۇنداي بوستەكتىڭ قالىڭدىعى بىرنەشە سانتيمەتر عانا، دەسە دە ءزىلزالانىڭ زاردابىنان ساقتاۋعا كومەكتەسەدى.

مۇنداي ەرەكشە شامامەن 100 گە تارتا ءۇي قۇراستىرىلدى. سەيسميكالىق بەلسەندىلىكتىڭ بەتى قايتقان كەزدە ءۇي جەرگە جايلاپ قونادى. ياعني، ءۇي سالماعىمەن تۇسپەي، جايلاپ قوناتىندىقتان، زاقىم كەلمەيدى جانە ونداعى ادامداردىڭ ءومىرى مەن دەنساۋلىعىنا قاۋىپ تونبەيدى.

 

دەرەككوزى: islam.kz