باس پروكۋراتۋرا شەرۋلەرگە قاتىستى تۇسىنىكتەمە بەردى

نۇر-سۇلتان. قازاقپارات - ق ر باس پروكۋراتۋراسى شەرۋلەرگە قاتىستى تۇسىنىكتەمە بەردى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

«باس پروكۋراتۋرا ەلىمىزدە زاڭسىز جاريا اكسيالارعا جول بەرىلمەيتىندىگى تۋرالى بىرنەشە رەت ەسكەرتكەن بولاتىن. الايدا، جەكەلەگەن ادامدار زاڭدى تالاپتارعا باعىنباي، پوليتسيا قىزمەتكەرلەرىن ارانداتىپ، ولارعا شابۋىل جاسادى. جۇرگىنشىلەردىڭ، ايەلدەر مەن بالالاردىڭ ءومىرى مەن دەنساۋلىعىنا قاۋىپ ءتوندىردى»، دەلىنگەن حابارلامادا.

باس پروكۋراتۋرانىڭ مالىمدەۋىنشە، وسىعان بايلانىستى، قۇقىق قورعاۋ ورگاندارى قوعامدىق تىنىشتىقتى ساقتاۋعا جانە ازاماتتاردى قورعاۋعا باعىتتالعان شارالار قابىلداعان. بۇل رەتتە ارنايى قۇرالدار قولدانىلماعان. قۇقىق بۇزۋشىلار پوليتسياعا جەتكىزىلىپ، سوت تارتىبىندە اكىمشىلىك جاۋاپتىلىققا تارتىلعان.

«زاڭسىز اكسيالارعا جانە تىيىم سالىنعان ۇيىمداردىڭ قىزمەتىنە قاتىسۋ قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 488-بابىنا، قىلمىستىق كودەكسىنىڭ 400 جانە 405-باپتارىنا سايكەس جاۋاپتىلىققا اكەپ سوعاتىنىن تۇسىندىرەمىز.

قۇقىق قورعاۋ ورگاندارى بۇدان ءارى دە وسىنداي بۇزۋشىلىقتارعا جول بەرمەيتىن جانە ولاردى بولدىرماۋ ءۇشىن زاڭمەن كوزدەلگەن شارالاردى قابىلدايتىن بولادى»، دەلىنگەن حابارلامادا.