08:21, 12 - ماۋسىم 2019 | GMT +6
ويىن الاڭىندا كوز جۇمعان بالا: دارىگەرلەر تۇسىنىكتەمە بەردى
قاراعاندى. قازاقپارات - قاراعاندىنىڭ دەنساۋلىق ساقتاۋ باسقارماسى ويىن الاڭىندا كوز جۇمعان بالاعا قاتىستى تۇسىنىك بەردى، دەپ حابارلايدى قازاقپارات ءتىلشىسى.
«حابار جەتكەننەن باستاپ ارنايى كومەك بريگاداسى وقيعا ورنىنا 11 مينۋت ىشىندە جەتكەن. رەانيماتسيالىق ءىس- شارالار تولىق كولەمدە جۇرگىزىلدى. قابىلدانعان شارالارعا قاراماستان 2012 -جىلى تۋعان قىز بالانىڭ بيولوگيالىق ءولىمى تىركەلدى»، - دەپ حابارلادى دەنساۋلىق ساقتاۋ باسقارماسىندا.
باسقارما مالىمەتىنشە، بالا اۋىر سوزىلمالى دەرتىمەن ديسپانسەرلىك ەسەپتە تۇرعان.
وقيعانىڭ ءمان-جايىن سوت-مەديتسينالىق ساراپتاما انىقتايتىن بولادى.
ەستەرىڭىزگە سالا كەتەيىك، بۇگىن قاراعاندىنىڭ ساۋدا ۇيلەرىنىڭ بىرىندەگى ويىن الاڭىندا جازاتايىم وقيعا ورىن العان. اتكەنشەكتەن قۇلاعان 7 جاسار بالا كوز جۇمدى.