+7 (701) 759 90 19 Лента
17 °С : استانا
17 °С : الماتى
USD 378.38 EUR 431.05
RUB 6.02 CNY 55.00
جاڭالىقتار

پەتروپاۆلدا اتتى پوليتسەيلەر قاۋىپسىزدىكتى قامتاماسىز ەتۋدە

12 ماۋسىم 07:45 1034
:ءبولىسۋ
پەتروپاۆلدا اتتى پوليتسەيلەر قاۋىپسىزدىكتى قامتاماسىز ەتۋدە

پەتروپاۆل. قازاقپارات - پەتروپاۆلدىڭ ساياجايلارىنداعى ءتارتىپتى قاداعالاۋ ماقساتىندا ءبىر تاۋلىكتە 16 اتتى پوليتسەي كەزەكشىلىك اتقارادى، دەپ حابارلايدى قازاقپارات ءتىلشىسى.

س ق و پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، اتقا قونعان پوليتسەيلەر ساياجاي ۋچاسكەلەرىندە ءبىر ايدان بەرى ءتارتىپتى قاداعالاپ كەلەدى. زارەچنىي مەن ميچۋرينو، سولنەچنىي مەن نوۆوپاۆلوۆكا اۋىلدارىنىڭ ماڭىندا ونداعان قاۋىمداستىق پەن مىڭداعان ساياجاي بار. بۇل جەردەگى جولداردىڭ كەيبىرىنەن اۆتوكولىك وتە المايدى، تاسقىن سۋدىڭ كەسىرىنەن كەي جولداردى سۋ شايىپ كەتكەن. سالت اتتى ساقشىلار پاترۋلدىك كولىكتەر وتە المايتىن جەردە كەزەكشىلىك اتقارادى.

«سوڭعى كەزدەرى ۇرلىق-قارلىق ءبىرشاما ازايدى. بۇرىن پوليتسيانى ءجيى شاقىراتىنبىز. ويتكەنى ءبىر عانا كۇزەتشى بولعاندىقتان ول بارلىعىن ارالاپ ۇلگەرمەيتىن. ءبىزدىڭ قاۋىمداستىعىمىزدا عانا 630 ساياجاي بار. ءبىزدى پوليتسيا قىزمەتكەرلەرى كۇزەتكەننەن بەرى ۇرلىقتار مۇلدەم تىيىلدى»، - دەيدى «رانەتكا» قوعامداستىعىنىڭ ساياجايشىسى الەكسەي ميروەدوۆ.

الايدا ەكى كۇننىڭ بىرىندە كوڭىل كوتەرۋگە كەلىپ، سپيرتتىك ىشىمدىك ىشكەندەر جۇرتتىڭ مازاسىن الادى ەكەن. مۇندايلاردى اتتى ساقشىلار كولىك پاترۋلدەرىنە تاپسىرادى. ءتارتىپ ساقشىلارىنا قويىلعان باستى مىندەت - زاڭ بۇزۋشىلىقتاردىڭ الدىن الۋ، تۇرعىندارمەن بايلانىس ورناتىپ، جاعدايدان حاباردار بولىپ وتىرۋ. ءوز قىزمەتتەرىن ءتيىمدى اتقارۋ ءۇشىن پوليتسيا قىزمەتكەرلەرى ساياجايلاردى بەس ساۋساعىنداي ءبىلۋى قاجەت.

«جاز مەزگىلى باستالعالى اتتى پاترۋل ءوز جۇمىسىن باستادى. ءبىزدىڭ باستى ماقساتىمىز - قۇقىق بۇزۋشىلىقتاردى بولدىرماۋ جانە قىلمىستاردىڭ الدىن الۋ. ءبىزدىڭ اۋماعىمىزعا سولنەچنوە، زارەچنوە، نوۆوپاۆلوۆكا، ميچۋرينو ساياايجارى كىرەدى، ياعني 4 باعىت بويىنشا كەزەكشىلىك ەتەمىز. قۇقىق بۇزۋشىلىق انىقتالسا، اكىمشىلىك حاتتاما تولتىرىپ، تۇرعىندارمەن تۇسىندىرمە جۇمىسىن جۇرگىزەمىز»، - دەيدى پەتروپاۆل ق. پ ب پاترۋلدىك پوليتسيا باتالونى كاۆالەريا ۆزۆودىنىڭ قىزمەتكەرى يگەمبەردى بالتابايەۆ.

پوليتسيا قىزمەتكەرلەرىنىڭ ۋچاسكەلەردە كەزەكشىلىك ەتۋى ناتيجەسىندە قۇقىق بۇزۋشىلىقتار سانى ەداۋىر قىسقارعان.

 


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات