+7 (701) 759 90 19 Лента
17 °С : استانا
17 °С : الماتى
USD 378.38 EUR 431.05
RUB 6.02 CNY 55.00
جاڭالىقتار

بۇگىن ق ر پرەزيدەنتىن ۇلىقتاۋ ءراسىمى وتەدى

12 ماۋسىم 07:16 193
:ءبولىسۋ
بۇگىن ق ر پرەزيدەنتىن ۇلىقتاۋ ءراسىمى وتەدى

نۇر-سۇلتان. قازاقپارات - بۇگىن، 12 -ماۋسىمدا نۇر-سۇلتان قالاسىندا جاڭادان سايلانعان ق ر پرەزيدەنتى قاسىم-جومارت توقايەۆتى ۇلىقتاۋ ءراسىمى وتەدى، دەپ حابارلايدى قازاقپارات.

ەسكە سالا كەتەيىك، ق ر ورتالىق سايلاۋ كوميسسياسىنىڭ شىعارعان قورىتىندىسىنا سايكەس، 9 -ماۋسىمداعى كەزەكتەن تىس پرەزيدەنتتىك سايلاۋدا كانديدات قاسىم-جومارت توقايەۆ سايلاۋشىلاردىڭ 70,96 پروتسەنت داۋىسىن (سايلاۋشىلاردىڭ 6539715 داۋىسى) الىپ، جەڭىسكە جەتكەن بولاتىن. وسىعان بايلانىستى ورتالىق سايلاۋ كوميسسياسى ق ر پرەزيدەنتىنىڭ انت بەرۋ كۇنىن 12 -ماۋسىمعا بەلگىلەۋ تۋرالى ارنايى قاۋلى قابىلدادى.

ۇلىقتاۋ ءراسىمى بارىسىندا ورتالىق سايلاۋ كوميسسياسى جاڭا سايلانعان پرەزيدەنتكە قازاقستان رەسپۋبليكاسى پرەزيدەنتىنىڭ كۋالىگىن تاپسىرادى. سونىمەن قاتار، پرەزيدەنت ءراسىم بارىسىندا قازاقستان حالقىنا انت بەرەدى. ال انت بەرگەن ساتتەن باستاپ جاڭادان سايلانعان پرەزيدەنت رەسمي قىزمەتىنە كىرىسكەن بولىپ سانالادى.

بۇگىنگى 12 -ماۋسىمداعى يناۋگۋراتسيا - تاۋەلسىز قازاقستان تاريحىنداعى التىنشى ۇلىقتاۋ ءراسىمى. تاۋەلسىز قازاقستاننىڭ تۇڭعىش پرەزيدەنتى 1991 -جىلى العاش رەت انت بەرگەن بولاتىن. ول سالتاناتتى ءراسىم 10 -جەلتوقساندا الماتىداعى رەسپۋبليكا سارايىندا ءوتتى. 1999 -جىلى 10 -قاڭتاردا وتكەن ەكىنشى جالپىحالىقتىق سايلاۋدا دا جەڭىسكە جەتكەن ن. نازاربايەۆ قازاقستان رەسپۋبليكاسىنىڭ كونستيتۋتسياسىنا الاقانىن قويىپ انت بەردى.

ال سودان كەيىن 2005 -جىلى 4 -جەلتوقساندا وتكەن ءۇشىنشى جالپىحالىقتىق سايلاۋدىڭ ناتيجەسى بويىنشا ەلباسىن ۇلىقتاۋ سالتاناتى 2006 -جىلعى 11 -قاڭتارىندا اقوردادا ءوتتى. ول يناۋگۋراتسياعا الەمنىڭ 70 تەن استام مەملەكەتىنەن كەلگەن جوعارى لاۋازىمدى تۇلعالار قاتىستى.

2011 -جىلى كەزەكتەن تىس سايلاۋدا جەڭىسكە جەتكەن ن. نازاربايەۆتى ۇلىقتاۋ ءراسىمى 8 -ساۋىردە وتكەن ەدى. وسىنىڭ الدىنداعى ۇلىقتاۋ ءراسىمى 2015 -جىلدىڭ 29 -ساۋىرىندە بولدى.

 


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات