دۋناي وزەنىندە ءىرى اپات بولدى

 نۇر- سۇلتان. قازاقپارات - بۋداپەشتتە قۇتقارۋشىلار مامىر ايىنىڭ سوڭىندا ۇلكەن لاينەرمەن سوقتىعىسىپ، سۋعا باتىپ كەتكەن كەمەنى سۋ تۇبىنەن الىپ شىقتى.

 دۋناي وزەنىندە سوڭعى 65  جىل كولەمىندە بولماعان ءىرى اپات سالدارىنان 28 ادام قازا تاپتى. بۇل تۋرالى قازاقپارات bbc.com سايتىنا سىلتەمە جاساپ حابارلايدى.

سۇڭگۋىرلەر كەمە قالدىقتارىنىڭ ىشىنەن قازا بولعان ءتورت ادامنىڭ دەنەسىن الىپ شىقتى. تاعى ءتورت ادامنىڭ ءمايىتى تابىلماي وتىر.

29 - مامىر كۇنى كەشكە بۋداپەشت ورتالىعىنداعى قالانىڭ باتىس بولىگى (بۋدا) مەن شىعىس بولىگىن (پەشت) قوساتىن مارگاريتا كوپىرىنىڭ استىندا ەكى كەمە سوقتىعىسىپ قالدى.

 كەيىننەن انىقتالعانداي، ءىرى شۆەيتسارلىق Viking Sigyn ساياحات كەمەسى Hableany كەمەسىنە سوعىلعان.

 كەمە بورتىندا وڭتۇستىك كورەيادان كەلگەن تۋريستىك توپتىڭ 35 ادامى مەن ەكى ەكيپاج مۇشەسى - كاپيتان جانە ونىڭ كومەكشىسى بولعان. جەتى ادام قۇتقارىلدى.