+7 (701) 759 90 19 Лента
17 °С : استانا
17 °С : الماتى
USD 378.38 EUR 431.05
RUB 6.02 CNY 55.00
جاڭالىقتار

بيلل گەيتس دەمالىس كۇندەرىن قالاي وتكىزەدى؟

12 ماۋسىم 02:06 169
:ءبولىسۋ
بيلل گەيتس دەمالىس كۇندەرىن قالاي وتكىزەدى؟

نۇر- سۇلتان. قازاقپارات - الەمدەگى ەڭ باي 300 اداممەن سۇحباتتاسقان بەندجامين سپولل «My Morning Routine» كىتابىن جارىققا شىعاردى. ول ءوزىنىڭ تۋىندىسىن جازۋ ءۇشىن 5 جىل بويى جەتىستىك جولىن تاپقان جانداردىڭ ادەتتەرى جايلى اقپارات جيناعان.

اۆتور وسى كىتاپتىڭ ءبىر بولىمىندە كوپشىلىكتى مويىنداتا بىلگەن جانداردىڭ دەمالىس كۇندەرىن قالاي وتكىزەتىنىن جازعان. نازارلارىڭىزعا وسى بولىمدە جازىلعان اقپاراتتى بيلل گەيتس مىسالىندا ۇسىنامىز.

 1) ۇيقىنى قاندىرادى ستاتيستيكاعا سۇيەنسەك، جەتىستىككە جەتكەن جاندار ءبىر تاۋلىكتە، ورتاشا ەسەپپەن 7 ساعات، 29 مينۋت ۇيىقتايدى. تيم كۋك، بيلل گەيتس، دجەك دورسي، دجەفف بەزوس سياقتى تانىمال تۇلعالاردىڭ ۇيىقتاۋ ۋاقىتى وسى كورسەتكىشپەن ءدال كەلەدى ەكەن. البەتتە، كۇندەلىكتى ءبىر ۋاقىتتا ۇيىقتاپ، ءبىر ۋاقىتتا ويانۋ مۇمكىن ەمەس. ادام بولعاننان كەيىن، جوسپاردان تىس شارۋالاردىڭ شىعىپ قالۋى - زاڭدىلىق. سوندىقتان، ۇيقىعا ءبىر كۇنى كەش، ءبىر كۇنى ەرتە جاتامىز. جەتىستىككە جەتكەن جاندار، جۇمىس كۇندەرى نورمادان از ۇيىقتاسا، دەمالىس كۇنى سول ۇيقىنىڭ ورنىن تولتىرادى ەكەن.

2) جاقىن ادامدارمەن ۋاقىت وتكىزەدى دۇيسەنبى- جۇما ارالىعىندا جۇمىستان بوساي المايتىندىقتان، جاقىندارىمىزعا كوڭىل بولە المايتىن كەزدەر بولادى. جەتىستىككە جەتكەن جاندار سەنبى- جەكسەنبى كۇندەرىن تۋعان- تۋىستارىنىڭ، جاقىن دوستارىنىڭ اراسىندا وتكىزەدى. تاڭعى جاتتىعۋدى جان- جارىمەن بىرگە جاساپ، بالالارىمەن كىشىگىرىم پاركتە نەمەسە تابيعات اياسىندا ۋاقىت وتكىزەدى. "دەمالىس كۇنى ءبىزدىڭ ۇيىمىزگە بالا كۇتۋشىمىز كەلەدى. ال ايەلىم تيفف ەكەۋىمىز سەنبى كۇنى تاڭەرتەڭ جاتتىعۋ جاساۋعا شىعامىز. دەمالىس كۇندەرىن بىرگە وتكىزەمىز: بالالارمەن وينايمىز، بارلىعىمىز بىرگە كەشكى اس ىشەمىز. ءبىز دۇرىس ءومىر سۇرگىمىز كەلەدى". مارك كيۋبان، امەريكالىق ميللياردەر.

 3) الداعى اپتاعا جوسپار قۇرادى جەتىستىككە جەتكەن جاندار كەلەسى اپتانىڭ جوسپارىن دەمالىس كۇندەرى قۇرىپ قويادى. وسىلايشا، ولار دۇيسەنبىنى اۋىرلاتپايدى جانە اپتانىڭ العاشقى جۇمىس كۇنىنىڭ جارتىسىن تەككە جوعالتپايدى. "مەن سەنبى كۇنى سەرۋەندەۋگە تىرىسامىن. ال جەكسەنبىدە كەلەسى اپتاعا ستراتەگيا قۇرامىن". برۋك پوتتەر، «ءونىمدى جۇمىس ىستەۋ: جەتىستىككە جەتكەن جانداردىڭ قۇپياسىن اشامىز» كىتابىنىڭ اۆتورى.

 4) جانى قالاعان شارۋامەن اينالىسادى جەتىستىككە جەتكەن جاندار جاڭا جۇمىس اپتاسىندا قۇلشىنىسپەن جۇمىس جاساۋ ءۇشىن دەمالىس كۇندەرى سۇيىكتى شارۋاسىمەن اينالىسادى. كوبىسى، اسىقپاي- اپتىقپاي تاڭعى اس ءىشىپ، جۇمساق ديۆاندا جاتىپ كىتاپ وقۋمەن، مەديتاتسيامەن، سپورتپەن اينالىسادى ەكەن. مىسالى، ريچارد برەنسون ءار سەنبى سايىن ساۋىق كەشتەرگە بارۋدى ادەتكە اينالدىرعان. ال جەكسەنبى كۇنى قايىقپەن سەرۋەندەپ، جارتاستاردان سەكىرەدى ەكەن. بيلل گەيتس دەمالىس كۇندەرىن، بارىنشا تىنىش جەردە وتكىزۋگە تىرىسادى. اعىلشىنداردىڭ بريدج كارتا ويىنىن ويناعاندى ۇناتادى. «بريدج - ەسكى ويىن ءتۇرى بولسا دا، ماعان قاتتى ۇنايدى. دەمالىس كۇنى مەن قىزىمنىڭ اتقا ءمىنىپ جۇرگەنىن قىزىقتاپ وتىرامىن. بۇل دا ءىش پىستىرارلىق ارەكەت بولۋى مۇمكىن، ءبىراق بىلمەيمىن، ماعان ۇنايدى. تاعى، كەشكىسىن ىدىس جۋامىن. كوپ ادامعا ىدىس جۋۋ ۇناي بەرمەيدى، ءبىراق ماعان، كەرىسىنشە قاتتى ۇنايدى". بيلل گەيتس، امەريكالىق كاسىپكەر، ميللياردەر، قوعام قايراتكەرى.

 5) ءۇيدىڭ شارۋالارىن جاسايدى قاراپايىم ادامدار سياقتى ولار دا دەمالىس كۇندەرىندە ازىق- تۇلىك الىپ، كىر جۋىپ، ءۇيدىڭ جۇمىستارىن جاسايدى. وسىنداي قاراپايىم ارەكەتتەردەن الىستاماۋ ارقىلى، ولار قاراپايىمدىلىقتارىن جوعالتپاۋعا تىرىسادى.

 6) ويلانادى اينالادا ورىن الىپ جاتقان وقيعالاردى قورىتۋ ءۇشىن، جەتىستىككە جەتكەن جاندار قىسقا ۋاقىتقا وڭاشا قالادى. بۇل دۇرىس جول تابا ءبىلىپ، دۇرىس تاڭداۋ جاساۋعا پايداسىن تيگىزەدى. گارۆارد ۋنيۆەرسيتەتىندە ستۋدەنتتەر اراسىندا زەرتتەۋ جۇرگىزىلىپتى. ناتيجەسىندە، ءار كۇندى قورىتىندىلاپ، ۇيىقتار الدىندا 15 مينۋت ويلاناتىن ستۋدەنتتەردىڭ وقۋ ۇلگەرىمدەرى، كەرىسىنشە بۇل ارەكەتتى ىستەمەيتىن ستۋدەنتتەرگە قاراعاندا جوعارى ەكەنى انىقتالىپتى. بۇل ءادىستى جەتىستىككە جەتكەن تۇلعالاردىڭ بارلىعى قولدانادى.

Massaget.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات