بەكبولات تىلەۋحان حالىقتى سابىرعا شاقىردى

نۇر - سۇلتان. قازاقپارات - «انا جەردە تۇرعان پوليتسەلەر دە ءبىزدىڭ باۋىرلارىمىز كوزى جاۋتەڭدەپ تۇرعان. ال الاڭدا ەموتسياعا بەرىلىپ جاتقان مەنىڭ ۇلدارىم مەن قىزدارىم. بۇل وتە قيىن قاسىرەت» .

ق ر پارلامەنت ءماجىلىسىنىڭ دەپۋتاتى بەكبولات تىلەۋحان نارازىلىققا شىققان كوپشىلىككە قاتىستى پىكىرىن ايتتى. نازاربايەۆ ءداۋىرى ءوتتى دەگەن ول حالىقتى سابىرعا شاقىردى.

 «ارينە قىجىل بار. نەسيەسىن جابا الماي جاتقان ەلدەر بار. ءۇيىن- كۇيىن، جاعدايىن جاساپ جاتقىسى كەپ جاتقان ەلدەر بار. ءبىراق بۇل ءابليازوۆتىڭ ايتاعىمەن شەشىلمەيدى.

 انا جەردە تۇرعان پوليتسەلەر دە ءبىزدىڭ باۋىرلارىمىز كوزى جاۋتەڭدەپ تۇرعان. ال الاڭدا ەموتسياعا بەرىلىپ جاتقان مەنىڭ ۇلدارىم مەن قىزدارىم. بۇل وتە قيىن قاسىرەت.

 توقايەۆ ايتتى عوي «ستارىە پروبلەمى، نوۆىە رەشەنيا» . مۇرسات بەرەيىك. جاڭا داۋىرگە وتتىك. نازاربايەۆ ءداۋىرى ءوتتى. ءوزىنىڭ تيەسىلى شارۋاسىن ءبىتىردى. استاناسىن سالدى. بۇكىل الەمگە تانىتتى. ءبىراق قازاقستان سياقتى ەلگە سىرتپەن قارىم- قاتىناس جاسايتىن ديپلومات كەرەك ەكەنىن ءبىلىپ وتىرسىزدار» ، -  دەدى بەكبولات تىلەۋحان.

9 - ماۋسىمدا قازاقستاندا پرەزيدەنت سايلاۋى ءوتتى. وسى كۇنى نۇر- سۇلتان مەن الماتىدا نارازىلىق ءوتىپ، پوليتسيا جۇزدەگەن ادامدى ۇستادى.

10 - ماۋسىمدا ورتالىق سايلاۋ كوميسسياسى كەزەكتەن تىس پرەزيدەنت سايلاۋىنىڭ ناتيجەسىن جاريالادى. وسك دەرەگىنشە، «نۇر وتان» كانديداتى، قازىرگى پرەزيدەنت قاسىم- جومارت توقايەۆ 70 پايىزدان ارتىق داۋىس جيناعان.