+7 (701) 759 90 19
3 °С : نۇر-سۇلتان
7 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

قوستاناي تەاترى موڭعولياعا بارادى

11 ماۋسىم 18:51
:ءبولىسۋ
قوستاناي تەاترى موڭعولياعا بارادى

نۇر-سۇلتان. قازاقپارات - ءىلياس وماروۆ اتىنداعى قازاق دراما تەاترى شىلدە ايىندا گوسترولدىك ساپارمەن موڭعولياعا بارادى.

بۇل جونىندە وڭىرلىك كوممۋنيكاتسيالار قىزمەتىندە بولعان بريفينگتە وبلىستىق مادەنيەت باسقارماسىنىڭ باسشىسى ەرلان قالماقوۆ ايتتى.

اتالعان ونەر ۇجىمى وتكەن اپتادا وزبەكستانداعى قازاقستان جىلى اياسىندا تاشكەنتكە ساپارلاپ كەلدى. وندا «حان كەنە» ، «مۇڭمەن الىسقان ادام» ، «ءانىم سەن ەدىڭ» (ءشامشى تۋرالى تامشىلار) قويىلىمدارى ساحنالاندى.

«ءىلياس وماروۆ اتىنداعى قازاق دراما تەاترى كوپ جىلدان بەرى شەتەلگە گاسترولدىك ساپارعا شىقپاعان ەدى. بۇل جۇمىس ەلباسىنىڭ «رۋحاني جاڭعىرۋ» باعدارلاماسى شەڭبەرىندە جۇزەگە اسىرىلدى. وبلىس اكىمى قولداپ، وسى ساپارعا بيۋدجەتتەن ارنايى قارجى ءبولىندى. ءبىز وسى ءساتتى ساپاردى قوستاناي وبلىسى مادەنيەتىندەگى ەلەۋلى وقيعا دەپ باعالاپ وتىرمىز» ، - دەدى ەرلان قالماقوۆ.

تەاتر اكتەرى، قازاقستاننىڭ ەڭبەك سىڭىرگەن قايراتكەرى قونىسبەك بەگايداروۆ وزبەك اعايىنداردىڭ قوناقجايلىعى جايىندا اڭگىمەلەسە، ءشامشى ءرولىن سومداعان ءالىمحان مىرزاحان جەرگىلىكتى حالىقتىڭ مادەنيەتكە، ونەرگە كوزقاراسى تۋرالى باياندادى.

«ماعان قاتتى اسەر ەتكەنى - « ءانىم سەن ەدىڭ» قويىلىمى كەزىندەگى ءوزىم كۋا بولعان ءبىر جايت. ءشامشىنىڭ «ارىس جاعاسىندا» ءانى ورىندالعاندا كورەرمەندەر قوسىلا شىرقاپ جونەلدى. ءتىپتى، اكتەرلەردەن اسىرىپ ورىندادى. ءسويتىپ، حالىقتىڭ ءشامشى ءانىن ساعىنعانىن كورىپ، ەرەكشە سەزىمگە بولەندىم» ، - دەيدى ءالىمحان مىرزاحان.

شىعارماشىلىق ۇجىم شىلدە ايىندا موڭعوليا ەلىنە ساپار شەكپەك. مادەنيەت باسقارماسى باسشىسى سول جاقتاعى قانداستارىمىز كوپتەن بەرى ۇسىنىس ءبىلدىرىپ جۇرگەنىن ايتتى.




«تەاتر ترۋپپاسى ماۋسىم جابىلعان سوڭ، بايان- ولگەي ايماعىنا اتتانادى. ول جاقتا دا «مۇڭمەن الىسقان ادام» دراماسى قويىلادى. اتامەكەندى اڭساعان شەتەلدەگى قانداستارىمىزعا ارنالعان شىعارما» ، - دەدى ەرلان قالماقوۆ.

سونىمەن بىرگە، تۇڭعىش رەت قوستاناي تەاترىنىڭ ءبىر پرەمەراسى وزگە ەلدە قويىلعالى وتىر. ول - اسكەرحان اقتايدىڭ «بوتاقارا- شەشەنبيكە» پەساسى. قويۋشى رەجيسسەر - ءاليا بايماحان.

«شىعارمانىڭ تۇساۋى بايان- ولگەي جەرىندە كەسىلەدى. بوتاقارا - جوڭعار شاپقىنشىلىعى كەزىندە ەل قورعاعان باتىر. قاراعاندى وبلىسىندا بوتاقارا مەن شەشەنبيكە شوقىلارى بار. ءوزىم وسى ءوڭىردىڭ تۋماسى بولعاندىقتان، بۇل پەسانىڭ جاۋاپكەرشىلىگى مەن ءۇشىن ەكى ەسە جوعارى» ، - دەدى تەاتردىڭ كوركەمدىك جەتەكشىسى ءاليا بايماحان.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات