16:49, 11 - ماۋسىم 2019 | GMT +6
قاراعاندى وبلىسىندا العاش رەت پانتامەن ەمدەۋ ورتالىعى اشىلادى
نۇر-سۇلتان. قازاقپارات - قاراعاندى وبلىسىندا تۇڭعىش رەت پانتامەن ەمدەۋ ورتالىعى اشىلادى. ماۋسىم ايىنىڭ ورتاسىنان باستاپ اقتوعاي اۋدانىنداعى مارال شارۋاشىلىعى ادامداردى قابىلداي باستاماق.
شارۋاشىلىق يەسى ەرجان قادىربەرلين وسىدان 7 جىل بۇرىن ەلىمىزدىڭ شىعىس وڭىرىنەن 21 باس انالىعىن اكەلىپ، قورىققا جىبەرگەن بولاتىن. قازىر ولاردىڭ سانى 100-گە جەتىپتى. ءار جىل سايىن ءتۇز تاعىسىنىڭ ءتورت- بەسەۋىن تابيعاتقا جىبەرىپ تۇرادى ەكەن. ولار دا قازىر تولدەپ، كوبەيىپ جاتىر. مارال مۇيىزىنەن الىناتىن پانتا قان ازدىق، جۇرەك- قان تامىرلارى اۋرۋىنا، ىسىك جارالارىنا جانە باسقا دا سىرقاتتارعا مىڭ دا ءبىر ەم ەكەن. «سونى نەگىزگە الىپ، بولاشاقتا وڭىردە تۋريزمدى دامىتساق»، - دەيدى شارۋا يەسى. وسىلايشا التايدىڭ كەربەز سۇلۋ كەربۇعىسىن اقتوعايدىڭ ماقتانىشىنا اينالدىرماق.