16:28, 11 - ماۋسىم 2019 | GMT +6
ەر ادام وزىنە شابۋىلداعان ايۋدىڭ ءتىلىن تىستەپ امان قالدى
نۇر- سۇلتان. قازاقپارات - تۋۆا تۇرعىنى وزىنە شابۋىلداعان ايۋدىڭ تىلىنەن تىستەپ الدى. وقيعا 2 - ماۋسىمدا بولدى.
ءۇش جىگىت پي- حەم اۋدانىندا ورمانعا جينالادى. ولار وت جاعىپ، تاماق دايىندايدى. ۇشەۋى جان جاققا كەتىپ، بۇعىنىڭ ءمۇيىزىن جيناماق بولادى.
ورماندا ونىڭ بىرىنە ايۋ كەزدەسەدى. ەر ادام قاتتى ايقايلاي باستايدى. الايدا جىرتقىش وعان شابۋىلداۋىن قويمايدى. ەر ادام ايۋدىڭ ءتىلىن تىستەپ الادى. وسىدان سوڭ جىرتقىش قاشا جونەلگەن.
ەر ادام دوستارىن شاقىرادى. ولار جەدەل جاردەم قىزمەتىنە حابارلاسادى.
ەر ادامنىڭ بەتى مەن باسى، قولى مەن ءىشى جاراقاتتانعان. ۇشەۋى دە ءورت قاۋىپسىزدىگىن ساقتاماعانى ءۇشىن اكىمشىلىك جاۋاپقا تارتىلادى.