+7 (701) 759 90 19 Лента
17 °С : استانا
17 °С : الماتى
USD 378.38 EUR 431.05
RUB 6.02 CNY 55.00
جاڭالىقتار

جاڭا تۋعان ءسابيدى تەلەفون ارقىلى تۇراقتى مەكەنجايعا تىركەۋگە بولادى

11 ماۋسىم 15:50 661
:ءبولىسۋ
جاڭا تۋعان ءسابيدى تەلەفون ارقىلى تۇراقتى مەكەنجايعا تىركەۋگە بولادى

 نۇر- سۇلتان. قازاقپارات - جاڭا تۋعان ءسابيدى پرواكتيۆ تاسىلمەن تۇراقتى مەكەنجايعا تىركەۋگە بولادى، دەپ حابارلايدى قازاقپارات «ازاماتتارعا ارنالعان ۇكىمەت» كورپوراتسياسى سىلتەمە جاساپ.

مەملەكەتتىك كورپوراتسياسى باسپا ءسوز قىزمەتىنىڭ مالىمەتىنشە، دۇنيەگە بالا كەلگەندە پرواكتيۆ تاسىلمەن كورسەتىلەتىن مەملەكەتتىك قىزمەتتەر تىزىمىنە مەكەنجاي بويىنشا تىركەلۋ قىزمەتىن قوستى. بۇل مەملەكەتتىك كورپوراتسيانىڭ باستاماسىمەن ق ر ءى ءى م مەن ادىلەت مينيسترلىكتەرى دەرەكقورلارىن ينتەگراتسيالاۋ ناتيجەسىندە جۇزەگە اسىپ وتىر.

بۇدان بىلاي جاڭا بوسانعان ايەلدەرگە بالانىڭ تۋۋ تۋرالى قۇجاتىن جاساتىپ، بالاباقشا كەزەگىنە تۇرۋ جانە جاردەماقى الۋعا ۇسىنىس بىلدىرەتىن سمس- حابارلامامەن بىرگە جاڭا تۋعان ءسابيدى مەكەنجايعا تىركەۋگە قويۋعا مۇمكىندىك بەرەتىن حابارلاما قوسا جولدانادى.

«پرواكتيۆ ءتاسىلى ازاماتتارعا ەشقايدا شىقپاي- اق مەملەكەتتىك قىزمەتتەردى الۋعا مۇمكىندىك بەرەدى. جاڭا تەحنولوگيالار ەندى عانا ءسابيلى بولعان اتا- اناعا ح ق و- عا بارماي، بالانىڭ بار قۇجاتتارىن رەتتەۋگە كومەكتەسەدى. بار قاجەتى - تەلەفونعا كەلگەن SMS كە جاۋاپ بەرۋ عانا» ، - دەيدى مەملەكەتتىك كورپوراتسيانىڭ ءتورايىمى اسەمگۇل بالتاشيەۆا.

ەرەجە بويىنشا دۇنيەگە كەلگەن ءسابيدىڭ اتا- اناسىنىڭ بىرىنە ەكى اپتا ىشىندە مەكەنجاي تىركەۋىنە تۇرۋ جونىندە س م س- ۇسىنىس جولدانادى. جاۋاپ بەرىلگەن جاعدايدا باسپانا يەسى ءوز مەكەنجايىنىڭ تىركەۋ كودىن ەنگىزۋى ءتيىس. پاتەر نە ءۇي بالانىڭ اتا- اناسىنىڭ اتىندا بولماعان جاعدايدا باسپانا يەسىنىڭ ج س ن قوسا جولدانادى. بۇل رەتتە، پرواكتيۆ تاسىلمەن جولداناتىن كەلتە حابارلامانى الۋ ءۇشىن بالانىڭ اتا- اناسىنىڭ ءبىرى مىندەتتى تۇردە ءموبيلدى ازاماتتار بازاسىندا تىركەلۋى كەرەك.

ايتا كەتەيىك، 1,5 جىل بۇرىن ىسكە قوسىلعان پرواكتيۆ تاسىلىمەن 70 مىڭنان استام بالانىڭ تۋۋ تۋرالى قۇجاتى بەرىلىپ، 13 مىڭ بوبەك بالاباقشا كەزەگىنە تۇرعىزىلدى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات